Amato 23:35 - Mbeti ti Nzapa - Tënë so amu fini

³⁵ Fade mo yeke tene: “A pika mbi, me aso oko pepe! A pika mbi, me mbi hinga ye oko daa pepe! Mbi ye ti zingo na lango hio ti kiri ti nyon mbeni samba si!”

Amato 23:35 Referans Kwoze

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Ésaïe 56:12

Ala tene: “Ala ga, e gue, e gi vin, e nyon ngangu samba alingbi na e. Kekereke, e yeke kiri ti sara gi tongaso: samba angba mingi.”

Amato 27:22

Ataa mo pika zo ti buba na ya ti kpu tongana ti so a yeke pika ale ti kobe, mo yeke sara gbaa, asarango ye ti buba ti lo ayeke ngba lakue na tere ti lo.

Amato 26:11

Zo ti buba so akiri na ndö ti asarango ye ti buba ti lo, lo yeke tongana mbo so akiri ti te kobe so lo de ni na sese awe.

2 Pierre 2:22

Ye so asi na ala alingbi na toli so ayeke taa-tënë; toli ni atene: “Mbo akiri na tere ti kobe so lo de na sese awe” si “nguru so a sukula lo fafadeso, akiri ati na ya ti potopoto.”

Efeze 4:19

Ala hinga popo ti sioni na nzoni pepe, nilaa ala mu tere ti ala ti sara gi aye ti ndumba si ala yeke hon gi hongo na peko ti *asioni ye, kamene asara ala oko pepe.

Jérémie 31:18

Biani, mbi ma azo ti Efraim so ayeke dema tere ti ala, atene: ‘KOTA GBIA, mo pika e ngangu mingi tongana ti so zo ayeke pika bagara so ama ndo pepe. Me ayeke nzoni mo sara si e kiri na mbage ti mo titene e kiri biani na mbage ti mo, ngbanga ti so mo laa mo yeke Nzapa ti e.

Ésaïe 22:13

Andaa ala yeke dodo, ala yeke sara ngia: ala fâ abagara, ala fâ ataba, ala te nyama, ala nyon vin. Ala tene: “E te, e nyon, ngbanga ti so kekereke, e yeke kui.”

Ndia ti fani use ni 29:19

Fade KOTA GBIA ayeke zi tënë ni na li ti lo pepe. Ngonzo na mbanda ti KOTA GBIA ayeke londo tongana menga ti wâ na tere ti zo ni. Adengo ba so kue a su tënë ni na ya ti mbeti so, lo yeke sara titene ati na ndö ti zo ni; lo yeke zi iri ti zo ni na ndö ti sese.

Amato 23:34

Mo yeke baa mo tene, mo yeke na le ti kota ngu-ingo; mo yeke duti tongana zo so alango na ngbonda ti mangboko.