Amato 23:29 - Mbeti ti Nzapa - Tënë so amu fini

²⁹ Zo wa laa pasi ahon ndö ti lo, zo wa? Zo wa laa gingo be ahon ndö ti lo, zo wa? Zo wa laa ayeke papa ka mingi na azo, zo wa? Zo wa laa demango tere ahon ndö ti lo, zo wa? Zo wa laa ayeke wara aka na tere ti lo senge senge, zo wa? Zo wa laa ayeke baa ndo use use, zo wa?

Amato 23:29 Referans Kwoze

Efeze 5:18

Ala nyon samba ahon ndö ti ala pepe: nyongo samba ahon ndoni ayeke buba gigi ti ala; me ala zia lege na Yingo-Vuru ti si ala singo.

Ésaïe 5:22

Mawa na ala, azo so amu ngangu ti ala kue gi ti nyongo samba, ala so akpengba gi ti bongbi mara ti asamba nde nde ti nyon!

Ésaïe 5:11

Mawa na ala, azo so alondo na kota ndaperere ti mu loro na peko ti angangu samba! Ti londo na ndaperere ngbii asi na lakui, samba ni angba ti sara ala.

Amato 23:21

Biani, azo so ayeke nyon ye ahon ndoni, wala ala so ayeke te ye ahon ndoni, ala yeke ga awayere. Ndali ti so ala ye lango mingi, fade ala yeke yu gi agbagba bongo.

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Amato 20:1

Vin asara si zo aga zo ti hengo ndo; samba ayeke pusu zo ti sara wusuwusu. Zo so samba ayeke sara lo, lo lingbi ti ga zo ti ndara pepe.

2 Samuel 13:28

Na pekoni, Absalom amu yanga na azo ti kua ti lo, atene: “Ala baa Amnon nzoni. Na ndembe so lo nyon samba ahon ndö ti lo si be ti lo ayeke na ngia, tongana mbi tene na ala: ‘Ala pika Amnon!’, fade ala pika lo, ala fâ lo. Ala sara mbeto pepe, mbi laa mbi mu yanga na ala! Ala gbu ngangu, ala sara ye ti koli!”

Tongo nda ti aye 49:12

Le ti lo aza, apendere ahon vin, pembe ti lo avuru ahon ngu ti me ti bagara.

2 Samuel 11:13

David atisa Urii ti te kobe na ti nyon ye; lo mu samba na Urii ahon ndoni. Me na lakui ni, Urii ague, alango na ndo so aturugu ti batango gbia ayeke lango daa; lo gue na da ti lo pepe.

Amato 23:20

Azo so ayeke nyon samba ahon ndoni, wala ala so ayeke te nyama ahon ndoni, mo duti na popo ti ala pepe.

Tongo nda ti aye 19:33

Ala mu samba na babâ ti ala na bi ni so, lo nyon si kozo molenge ni aga alango na babâ ti lo. Babâ ni ahinga langongo so lo lango na tere ti lo so pepe; lo hinga nga londongo ti lo pepe.