Amato 23:21 - Mbeti ti Nzapa - Tënë so amu fini

²¹ Biani, azo so ayeke nyon ye ahon ndoni, wala ala so ayeke te ye ahon ndoni, ala yeke ga awayere. Ndali ti so ala ye lango mingi, fade ala yeke yu gi agbagba bongo.

Amato 23:21 Referans Kwoze

Amato 21:17

Zo so aye ti sara matanga mingi, fade aye mingi ayeke tia lo; zo so aye gi samba na apendere kobe, lo yeke ga zo ti mosoro laoko pepe.

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

Galasii 5:21

sarango nzara ti ye ti zo, nyongo samba na tengo kobe butuma, na ambeni mara ti ye tongaso. Mbi tene tënë so na ala kozoni awe, mbi yeke kiri na ndö ni: azo ti sarango aye tongaso, *Kodro-gbia ti Nzapa ayeke ga ti ala pepe.

1 Korente 5:11

Me mbi su mbeti so lani na ala si zo so atene, ni yeke ita ti ala, zo ti Christ si lo yeke gi wali wala koli kirikiri, kota nzara ti warango ye ayeke na be ti lo, lo yeke voro anzapa nde, lo yeke du mvene na li ti amba ti lo, lo yeke ngbaa ti samba, wala lo yeke zo ti nzi, alingbi ala sara songo na lo pepe, ala te nga kobe na mara ti zo tongaso pepe!

Amato 19:15

Sopo ayeke sara si zo ati na ya ti kota lango; zo so asara kua pepe, nzara ayeke fâ lo.

Ndia ti fani use ni 21:20

Fade ala yeke tene na akangba ni, atene: “Baa, so molenge ti e laa! Lo yeke molenge ti ngangu li, lo tomboka na tere ti e; lo yeke ma yanga ti e pepe. Lo yeke zo ti tengo ye ahon ndoni si lo yeke ngbaa ti samba.”

1 Korente 6:10

azo ti nzi, azo so kota nzara ti warango ye ayeke na be ti ala, azo so ayeke ngbaa ti samba, azo ti dungo mvene na li ti amba ti ala, azo ti gbungo ye ti azo na ngangu, fade Kodro-gbia ti Nzapa ayeke ga ti ala pepe.

Joël 1:5

Ala azo so ayeke angbaa ti samba, ala zingo, ala toto! Ala azo so kue ayeke nyon vin, ala dema tere ti ala, ngbanga ti so a zi fini vin na yanga ti ala awe.

Matthieu 11:19

*Molenge ti Zo aga, lo yeke te, lo yeke nyon, me azo atene: ‘Ala baa, koli so ayeke gbongo ti kobe si lo yeke nyon samba mingi! Lo ye tënë ti azo ti rongo nginza ti lapo na ti azo ti siokpari!’ Me ndara so alondo na Nzapa, zo ayeke hinga atene, ayeke mbirimbiri ndara gi na lege ti ye so ndara ni asara.”

Amato 18:9

Zo so asara sopo na kua ti lo, lo yeke ita ti zo so abuba kua ni.

Zo ti bongbingo azo 10:18

Zo so ayeke zo ti sopo, li ti da ti lo ayeke ti; zo so ayeke sara kua na wokongo tere, li ti da ti lo ayeke yuru.