Amato 23:19 - Mbeti ti Nzapa - Tënë so amu fini

¹⁹ Ti mo, molenge ti mbi, mo ma mbi si mo ga zo ti ndara, tongaso si fade mo yeke mu lege so ayeke mbirimbiri.

Amato 23:19 Referans Kwoze

Amato 23:26

Molenge ti mbi, mo zia be ti mo na ndö ti mbi; mo duti na ngia ti mu tapande ti mbi.

Amato 23:12

Gbu li ti mo nzoni na ndö ti aye so a gboto mê ti mo daa; dingi mê ti mo, mo ma atënë ti hingango ye.

Amato 6:6

Mo zo ti sopo, gue, mo baa amini! Mo baa lege ti sarango ye ti ala kpoo, fade mo yeke ga zo ti ndara!

Amato 9:6

Ala zia lege ti azo so le ti ala ahan pepe so si fade ala duti na fini! Ala mu lege so ala lingbi ti wara hingango ye daa!”

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Ndia ti fani use ni 21:20

Fade ala yeke tene na akangba ni, atene: “Baa, so molenge ti e laa! Lo yeke molenge ti ngangu li, lo tomboka na tere ti e; lo yeke ma yanga ti e pepe. Lo yeke zo ti tengo ye ahon ndoni si lo yeke ngbaa ti samba.”

Amato 4:26

Mo gbu li ti mo mbirimbiri kozo si mo mu mbeni lege; ayeke nzoni mo mu lege so mbeni sioni ye oko alingbi ti si na mo daa pepe.