Amato 23:17 - Mbeti ti Nzapa - Tënë so amu fini

¹⁷ Sara kota be na tere ti azo ti siokpari pepe; me mo kpe mbeto ti KOTA GBIA lakue.

Amato 23:17 Referans Kwoze

Amato 28:14

Ti lo nzoni, zo so akpe lakue mbeto ti sarango sioni ye! Me zo so akpengba be ti lo, fade lo yeke ti na ya ti kpale.

1 Pierre 1:17

Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Amato 15:16

Kete ye so zo ayeke na ni si lo kpe mbeto ti KOTA GBIA, so laa ayeke nzoni ahon gba ti mosoro so gingo be mingi ayeke daa.

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

Zo ti bongbingo azo 5:7

Na ya ti kodro, tongana mo baa a yeke sara ngangu na wayere, a yeke fâ ngbanga mbirimbiri pepe, zo ayeke kpe ye ti mba ti lo pepe, alingbi li ti mo akpe pepe. Na ndö ti mbeni kota zo, mbeni kota zo so ahon lo ayeke daa. Na ndö ti akota zo use so, ambeni kota zo so ahon ala ayeke daa.

Amato 3:31

Azo ti sarango ngangu na amba ti ala, mo sara kota be na tere ti ala pepe; mo manda lege ti sarango ye ti ala pepe.

Abia (Psaumes) 111:10

Kpengo mbeto ti KOTA GBIA ayeke tongo nda ti dutingo na ndara. Azo so kue akpe mbeto ti lo ayeke azo ti hingango ndo. Gonda ti lo angba kpu na kpu.

Amato 24:1

Sara kota be na tere ti azo ti sioni pepe; mo gi lege ti sara kamarade na ala pepe.

Amato 24:19

Azo ti sarango sioni, mo sara ngonzo na tere ti ala pepe; mo sara kota be na tere ti azo ti sioni pepe.

Amato 24:21

Molenge ti mbi, mo kpe mbeto ti KOTA GBIA nga na ti gbia ti kodro. Azo so aye titene ye kue aga nde so, mo na ala aduti na ndo oko pepe.

Zo ti bongbingo azo 5:6

Ndo so bango-li ayeke daa mingi nga na ndo so gba ti atënë ayeke daa mingi, asenge senge ye ayeke daa mingi. Ndani laa, alingbi mo kpe mbeto ti Nzapa.