Amato 23:10 - Mbeti ti Nzapa - Tënë so amu fini

¹⁰ Atêne so a lu ando ti sara na maka ti yaka, mo zi ni ti pusu na dawa pepe; mo nzi mbage ti sese ti anyindu pepe.

Amato 23:10 Referans Kwoze

Amato 22:28

Atêne so akotara ti mo alu ando ti sara na maka ti yaka, mo zi ni ti pusu na dawa pepe.

Zakarii 7:10

Ala sara mbana pepe na awali-mua nga na anyindu, wala na agene nga na azo ti mawa. Ayeke nzoni zo agbu li ti lo pepe ti sara sioni na mba ti lo.”

Ndia ti fani use ni 27:17

‘Deba aga na ndö ti zo so apusu na dawa maka ti sese ti zo so ayeke nduru na lo!’ Fade azo kue ayeke kiri tënë, atene: ‘Amen!’

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.

Jérémie 22:3

Tënë so KOTA GBIA atene ayeke so: Ayeke nzoni ala sara ye mbirimbiri si ala baa lege ti fango ngbanga mbirimbiri. Ala zi azo so a yeke te ala na mbana na maboko ti azo so ayeke sara ngangu na azo. Awande, anyindu nga na awali-mua, ala sara pasi na ala pepe, ala sara ngangu na azo ni pepe. Azo so tënë ayeke na li ti ala pepe so, ala tuku mene ti ala na ndo so pepe!

Ndia ti fani use ni 19:14

Moïse atene: Ala azo ti Israel, na kodro so *KOTA GBIA Nzapa ti ala ayeke mu na ala titene aga ti ala, fade ala yeke wara asese. Atêne so azo so aga kozoni alu ti fa maka ti sese ti ala na ti azo so ayeke nduru na ala, alingbi ala zi ni ti pusu na dawa pepe.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Jérémie 7:5

Me ayeke nzoni, ala sara si lege ti dutingo ti ala na sarango ye ti ala aga nzoni: tongana azo use ague na ngbanga, alingbi ala fâ ngbanga ti azo ni na legeni;

Abia (Psaumes) 94:6

Ala yeke fâ wali-mua nga na wande, ala yeke fâ anyindu.

Mbeti ti Job 22:9

Mo yeke tumba awali-mua maboko ti ala senge; mo yeke nika anyindu.

Mbeti ti Job 6:27

Ala bi ye ti hinga nyindu wa laa ala ye ti ka lo, taa mba ti ala, ala ye ti ka lo!

Mbeti ti Job 24:9

A yeke gboto nyindu na yanga ti me; a yeke gbu zo ti mawa na ngangu ti futa yongo so ayeke na li ti lo.

Sigingo 22:22

Tongana ala sara sioni na wali-mua ni nga na molenge ni si ala dekongo na mbi ti mu maboko na ala, fade mbi yeke ma ala.

Amato 15:25

KOTA GBIA ayeke kungbi na sese da ti azo ti baba; me lo yeke bata sese ti wali-mua titene zo andu ni pepe.

Jérémie 7:6

tongana mbeni wande, wala nyindu, wala wali-mua ayeke na popo ti ala, ala sara ngangu na ala pepe; azo so tënë ayeke na li ti ala pepe, ala tuku mene ti ala na ndo so pepe; ala mu peko ti anzapa nde pepe, ngbanga ti ala wara kpale.