Amato 22:9 - Mbeti ti Nzapa - Tënë so amu fini

⁹ Zo so ayeke sara nzoni be na azo, fade tufa ayeke ga na ndö ti lo, ngbanga ti so lo mu kobe na awayere.

Amato 22:9 Referans Kwoze

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

1 Pierre 4:9

Ala yamba amba ti ala nzoni na ndo ti ala, me na dikongo tënë na gbe ti go ti ala pepe.

Awatokua 20:35

Lakue, mbi fa na ala ti sara kua si fade ala lingbi ti mu maboko na azo ti mawa. Ala dabe ti ala na atënë so *Kota Gbia Jésus wani atene: ‘Mungo ye anzere ahon warango ye!’ ”

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

Nzoni Tënë so Luc asu na mbeti 14:13

Me tongana mo sara matanga, ayeke nzoni mo tisa azo ti mawa, na ala so mbage ti tere ti ala abuba, na ala so gere ti ala aba bango na awaziba.

Ésaïe 32:8

Me ne-ne zo ayeke leke na be ti lo ti sara gi nzoni ye, lo yeke sara gi ye so ane.

Amato 21:13

Zo so akanga mê ti lo ti ma toto ti zo ti mawa, na ndembe so zo ni ayeke dekongo, zo oko ti mango lo ayeke nga daa pepe.

Abia (Psaumes) 112:9

Lo mu ye mingi na azo ti mawa; mbirimbiri ti lo angba kpu na kpu. Fade ngangu ti lo na gonda ti lo ayeke gue guengo na nduzu.

Amato 11:25

Zo so ayeke mu ye na azo na nzoni be, fade lo yeke wara anzoni ye gbani gbani na peko ni. Zo so amu ngu na azo ti nyon, a yeke mu nga na lo ngu ti nyon.

Marc 7:22

gingo wali wala koli ti zo, sarango nzara ti ye ti zo, sioni be, handango zo, sarango ye ti kirikiri, kota be, tenengo sioni tënë na iri ti zo, sarango baba nga na sarango ye ti buba.

Matthieu 20:15

Mbi lingbi ti sara ye so be ti mbi aye na nginza ti mbi pepe? Be ti mo aso, ngbanga ti so mbi yeke zo ti nzoni be?’

Ndia ti fani use ni 28:56

Wali so na popo ti ala, maboko ti lo ayeke ndu ye oko pepe si lo yeke *wali-ndomo, wali so gbe ti gere ti lo alingbi ti ndu sese pepe, ngbanga ti so maboko ti lo ayeke ndu ye oko pepe si lo yeke wali-ndomo, fade lo nga, lo yeke baa koli so ayeke lango na kate ti lo na sioni le, legeoko na molenge ti lo ti koli na ti wali;

Amato 31:20

Maboko ti lo akpengba na mungo ye na zo ti mawa pepe; lo yeke mu ye na wayere.

Amato 11:17

Zo so asara nzoni be na azo, lo sara nzoni na lo wani; me zo so asara ngangu na azo, lo sara sioni na lo wani.

Amato 11:27

Zo so ayeke gi lege ti sara nzoni, azo ayeke gonda lo; me zo so ayeke gi lege ti sara sioni, fade sioni ayeke si na lo.

Amato 14:21

Zo so abaa mba ti lo tongana mbumbuse zo, andaa lo sara siokpari; me ti lo nzoni, zo so ayeke baa mawa ti awayere!

Amato 28:24

Zo so anzi babâ na mama ti lo si lo tene: “So siokpari laa pepe”, zo ni ayeke legeoko na zo ti fango zo!

Amato 28:27

Zo so ayeke mu ye na awayere, fade ye ayeke tia lo pepe; me zo so ayeke baa ndo na ala pepe, azo mingi ayeke deba lo.