Amato 22:22 - Mbeti ti Nzapa - Tënë so amu fini

²² Mo mu aye ti wayere na ngangu pepe, ngbanga ti so lo yeke na ngangu pepe. Na le ti ngbanga, mo sara ngangu na zo ti mawa pepe.

Amato 22:22 Referans Kwoze

Zakarii 7:10

Ala sara mbana pepe na awali-mua nga na anyindu, wala na agene nga na azo ti mawa. Ayeke nzoni zo agbu li ti lo pepe ti sara sioni na mba ti lo.”

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Amato 22:16

Zo so asara ngangu na wayere, lo sara si wayere ni aga kota zo. Zo so amu ye na zo ti mosoro, fade ye atia lo.

Sigingo 23:6

“Na le ti ngbanga, ala sara si fango ngbanga ti zo ti mawa ague kirikiri pepe.

Mbeti ti Job 31:21

Laoko mbi yoro maboko na le ti nyindu, ngbanga ti so mbi hinga, mbi tene, mbeni zo ti mu mbage ti mbi na le ti ngbanga ayeke daa?

Mbeti ti Job 31:16

Laoko mbi ke ti mu ye na awayere? Le ti wali-mua aku mbi gbaa?

Ezekiel 22:29

Na ya ti kodro ni, a yeke sara ngangu na azo, a yeke nzi ye ti azo, a yeke sara ngangu na azo ti mawa nga na awayere; a yeke sara ngangu na awande na ndö ti ye ti ala wani.

Awayango-sandaga 25:17

Ayeke nzoni mbeni zo oko na popo ti ala asara mbana na mba ti lo pepe; ye so ayeke fa atene, ala yeke kpe mbeto ti mbi, Nzapa ti ala laa. Mbi laa mbi yeke KOTA GBIA, Nzapa ti ala.

Ndia ti fani use ni 23:16

Moïse atene: Tongana mbeni ngbaa akpe na ndo ti wa ti lo ti gue ti bata tere ti lo na ndo ti ala, azo ti Israel, alingbi ala kiri na lo na wa ti lo pepe.

Sigingo 23:3

Na le ti ngbanga, ala mu mbage ti zo pepe, ataa zo ni ayeke zo ti mawa.

Awayango-sandaga 19:13

“Alingbi ala sara sioni na amba ti ala pepe, ala nzi ala pepe. Zo so asara kua na ala, ala gbanzi futa ti lo ngbii asi kekereke pepe.

Amato 21:7

Ye ti ngangu so azo ti sioni ayeke sara asara si fini ti ala agirisa, ngbanga ti so ala ke ti sara ye alingbi na tënë ti ndia.

Ésaïe 10:2

Ala yeke kanga lege titene a fâ ngbanga ti asenge zo na legeni, ala yeke gbanzi azo ti mbi so ayeke awayere na ye so ayeke ti ala. Ala yeke te awali-mua, ala yeke nzi aye ti anyindu.