Amato 21:5 - Mbeti ti Nzapa - Tënë so amu fini

⁵ Zo so agbu li ti lo na ndö ti ye so lo ye ti sara, fade lo yeke wara ye gbani gbani; me zo so asara ye na loro na loro, ye ayeke tia lo.

Amato 21:5 Referans Kwoze

Amato 10:4

Zo so maboko ti lo ane na kua, lo yeke ga wayere; me zo so maboko ti lo ayapu na kua, lo yeke ga zo ti mosoro.

Amato 13:4

Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.

Efeze 4:28

Zo so lani ayeke zo ti nzi, lo kiri lo nzi pepe; me ayeke nzoni lo mu tere ti lo ti sara kua na maboko ti lo wani na legeni si lo wara ye ti mu maboko na azo ti mawa.

Amato 14:29

Zo so asara ngonzo hio hio pepe, lo hinga ndo mingi; me zo so be ti lo ayeke wâ wâ, lo yeke fa buba ti lo na le ti azo.

Amato 28:22

Zo so be ayeke sara lo, lo yeke kpe kpengo na peko ti mosoro; me lo hinga pepe atene, fade yere ayeke ti na ndö ti lo.

Amato 20:21

Mosoro so zo awara hio hio na kozo lango, gbanda mosoro ni ayeke sara nzoni na lo pepe.

Amato 19:2

Tongana zo agbu li ti lo pepe, so ayeke nzoni pepe. Zo so ayeke sara ye na loro na loro, gbaa lo yeke sara ye ti kirikiri.

Amato 29:20

Tongana mo baa mbeni zo so ayeke gbu li ti lo pepe si lo yeke tene tënë, ye so mo lingbi ti ku na mbage ti zo ti buba ayeke nzoni ahon ti zo tongaso.