Amato 21:24 - Mbeti ti Nzapa - Tënë so amu fini

²⁴ Zo ti baba so abaa azo tongana mbumbuse ye, a iri lo “zo-ti-hengo-ndo”; sarango ye na kuru baba ahon ndö ti lo.

Amato 21:24 Referans Kwoze

Abia (Psaumes) 1:1

Ti lo nzoni, zo so ake ti tambula na lege ti wango ti azo ti sioni, zo so ake ti luti ndo oko na azo ti siokpari, zo so ake ti duti na popo ti azo ti hengo Nzapa.

Amato 19:29

A leke ngbanga ndali ti azo ti hengo ndo; pika ayeke ku ngbonda ti azo ti buba kungo.

Amato 18:12

Kozo titene zo ati biani biani, be ti lo asi singo na baba. Kozo titene zo awara gonda, ayeke nzoni lo sara tere ti lo kete si.

Amato 1:22

“Ala azo so le ti ala ahan pepe so, ala ye ti ngba tongaso ngbii asi lawa? Ala azo ti hengo ndo, ala yeke ngba ti he ndo ngbii asi lawa? Ala azo so ahinga ndo pepe so, ala yeke ke ti hinga ye ngbii asi lawa?

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Jérémie 48:29

E ma tënë ti pikango kate ti Moab awe, pikango kate ti lo so ahon ndoni; e ma tënë ti baba ti lo, tënë ti pikango kate ti lo, tënë ti kuru baba ti lo, tënë ti sioni yanga ti lo; lo baa tere ti lo kota lo hon azo kue.

Ésaïe 16:6

E ma tënë ti baba ti Moab awe; baba ti lo so ahon ndoni, pikango kate ti lo, bango azo tongana mbumbuse ye, kuru baba ti lo so ahon ndoni, fango tere ti lo so ayeke senge senge.

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Amato 6:17

le so abaa ndo na baba, yanga so ayeke tene mvene, maboko so ayeke tuku mene ti azo so tënë ayeke na li ti ala pepe;

Amato 3:34

Lo yeke he azo ti hengo ndo, me lo yeke sara nzoni be na azo so asara tere ti ala kete.

Amato 24:9

Ye so zo ti buba agbu li ti lo daa ayeke lakue gi siokpari; zo ti hengo ndo, be ti azo ake lo mingi.

Ésaïe 29:20

Biani, azo so ayeke sara ngangu na azo, ti ala ayeke hunzi; azo so ayeke he azo, a yeke mingo ala; azo so ayeke gi lege ti sara sioni na azo, a yeke hunzi ala biani biani:

Habakuk 2:5

Biani, mosoro ayeke handa zo handango: zo ti baba ayeke duti kpoo pepe, lo yeke zi yanga ti lo kota tongana ndo ti akuâ; lo yeke tongana kuâ so nzara ti lo ayeke hunzi pepe. Lo bongbi amara kue na tere ti lo, lo zia azo kue na gbe ti komandema ti lo.