Amato 21:15 - Mbeti ti Nzapa - Tënë so amu fini

¹⁵ Sarango ye alingbi na tënë ti ndia ayeke zia ngia na be ti zo ti mbirimbiri; me ayeke zia kota mbeto na be ti zo ti sarango asioni ye.

Amato 21:15 Referans Kwoze

Amato 10:29

Lege ti KOTA GBIA ayeke tongana ngangu gbagba na tere ti zo so sarango ye ti lo ayeke na legeni; me lege ni ayeke buba fini ti azo ti sarango sioni.

Matthieu 7:23

Fade mbi yeke tene na ala: ‘Mbi hinga ala oko pepe. Ala hon yongoro na tere ti mbi, ala azo ti sarango sioni!’ ”

Ésaïe 64:5

E kue, e yeke tongana azo so aga *sioni awe, aye ti mbirimbiri so kue e sara ayeke tongana bongo so awali ayeke yu na ndembe so ala yeke baa ya ti ala. E kue, e woko tongana kugbe, sioni ti e ayeke hon na e kirikiri tongana ti so pupu ayeke hon na ye.

Zo ti bongbingo azo 3:12

Mbi hinga, mbi tene, mbeni nzoni ye ndali ti zo ayeke daa pepe, gi ti duti na ngia na ti duti nzoni.

Amato 21:12

Le ti zo ti mbirimbiri angba na ndö ti aye so ayeke si na da ti azo ti sioni; lo yeke pusu ala ti ti na ya ti kpale.

Amato 5:20

Molenge ti mbi, ngbanga ti nyen si nzara ti wali ti mbeni zo nde asara mo tongana ti so samba asara zo? Ngbanga ti nyen si mo gbu wali so ayeke ti mo pepe na kate ti mo?

Abia (Psaumes) 119:16

Ambela ti mo anzere na mbi mingi, fade mbi yeke girisa tënë ti mo pepe.

Abia (Psaumes) 112:1

Aleluya! Ti lo nzoni, zo so ayeke kpe mbeto ti KOTA GBIA si atënë ti ndia ti *KOTA GBIA anzere na lo!

Abia (Psaumes) 40:8

Nilaa mbi tene: “Baa, mbi yeke ga; na ya ti mbeti ti *Ndia, a su tënë ti ye so mbi lingbi ti sara.”

Rome 7:22

Nilaa na ya ti be ti mbi kâ, Ndia ti Nzapa laa anzere na mbi.

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Abia (Psaumes) 119:92

Tongana ndia ti mo anzere fade na mbi mingi pepe, ka mbi kui na mawa awe.

Amato 21:16

Zo so azia lege ti hingango ndo, fade lo yeke gue ti wu tere ti lo na ya ti bongbi ti akuâ.