Amato 20:9 - Mbeti ti Nzapa - Tënë so amu fini

⁹ Zo wa laa alingbi ti tene: “Mbi sara si be ti mbi avuru! A sukula siokpari ti mbi awe!”, zo wa?

Amato 20:9 Referans Kwoze

Zo ti bongbingo azo 7:20

Biani, na ndö ti sese so, mbeni zo ti mbirimbiri oko ayeke daa pepe, so lo yeke sara gi nzoni si lo sara siokpari pepe.

1 Agbia 8:46

“Tongana azo ti Israel asara siokpari so ake mo – ngbanga ti so mbeni zo so asara siokpari pepe ayeke daa pepe – tongana mo sara ngonzo na tere ti ala si mo zia ala na maboko ti awato ti ala titene awato ti ala ni agbu ala, ague na ala na mbeni kodro so ayeke yongoro, wala so ayeke nduru,

Mbeti ti Job 14:4

Zo wa laa alingbi ti sara si ye so ayeke *nzoni asigigi na ya ti ye so ayeke *sioni? Zo oko pepe!

Jacques 3:2

E kue, e yeke girisa lege fani mingi. Tongana mbeni zo agirisa lege na ya ti tenengo tënë ti lo pepe, andaa lo yeke zo ti nzoni kue, lo lingbi ti kanga tere ti lo kue.

1 Korente 4:4

Na be ti mbi, mbi baa mbeni sioni ye ayeke na li ti mbi oko pepe, me so laa asara si mbi ga zo ti mbirimbiri pepe. *Kota Gbia laa ayeke fâ ngbanga ti mbi.

Mbeti ti Job 25:4

Zo alingbi ti tene ni yeke zo ti mbirimbiri na le ti Nzapa tongana nyen? Zo so wali adu lo, lo lingbi ti tene ni yeke *nzoni tongana nyen?

Mbeti ti Job 15:14

Zo ayeke nyen si lo tene ni yeke *nzoni? Zo so wali adu lo ayeke nyen si lo tene ni yeke mbirimbiri?

Abia (Psaumes) 51:5

Mbi hinga so mbi buba lege ti ndia ti mo awe; siokpari ti mbi ayeke lakue na le ti mbi.

2 Mbai 6:36

“Tongana azo ti Israel asara siokpari so ake mo – ngbanga ti so mbeni zo so asara siokpari pepe ayeke daa pepe – tongana mo sara ngonzo na tere ti ala si mo zia ala na maboko ti awato ti ala titene awato ti ala ni agbu ala, ague na ala na mbeni kodro so ayeke yongoro, wala so ayeke nduru,

Rome 3:9

Nyen? E azuife, e hon tanga ti azo kue? Oko pepe! Mbi fa tënë so kozoni awe, mbi tene: azuife na azo ti amara nde kue ayeke na gbe ti komandema ti siokpari.