Amato 20:13 - Mbeti ti Nzapa - Tënë so amu fini

¹³ Tongana mo ye ti ga wayere, mo lango na ngoi kue! Me tongana mo ye ti te kobe, ya ti mo asi, mo zi le ti mo ngaan, mo baa ndo!

Amato 20:13 Referans Kwoze

Amato 19:15

Sopo ayeke sara si zo ati na ya ti kota lango; zo so asara kua pepe, nzara ayeke fâ lo.

Rome 12:11

Ala sara sopo pepe, me ala mu ngangu ti ala kue ti sara na kua ti *Kota Gbia; ala sara kua ni na be ti ala kue.

Amato 12:11

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, li ti lo ayeke daa pepe.

Amato 10:4

Zo so maboko ti lo ane na kua, lo yeke ga wayere; me zo so maboko ti lo ayapu na kua, lo yeke ga zo ti mosoro.

Amato 13:4

Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.

2 Tesalonike 3:10

Biani, so lani e yeke na ndo ti ala, e mu yanga na ala, e tene: “Tongana mbeni zo aye ti sara kua pepe, alingbi lo te nga kobe pepe.”

Rome 13:11

Ala sara tongaso, ndali ti so ala hinga ngoi so e yeke daa fadeso awe: ngoi titene ala zingo na lango alingbi awe! Fadeso, ngoi titene Nzapa asoo e na kuâ aga nduru awe ahon ti lani so e ma na be.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Jonas 1:6

Kapita ti mangboko ni asi na tere ti lo si atene na lo: “Ee mo! Nyen laa mo yeke sara so? Mo yeke lango? Londo! Mo dekongo, mo iri nzapa ti mo. E hinga pepe, fade lo yeke baa mawa ti e si e kui pepe.”

1 Korente 15:34

Ala sara ye tongana azo so li ti ala ayeke daa, ala sara siokpari pepe! Biani, ambeni zo na popo ti ala ahinga Nzapa pepe. A-ita, mbi yeke tene tënë so ti zia kamene na le ti ala.

Amato 20:14

Zo ti vongo ye atene: “Ngere ni ayeke ngangu mingi!” Me tongana lo mu lege ti hon, lo yeke na ngia, ngbanga ti so lo wara nzoni ngere.

Amato 28:19

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, yere ayeke hon ndö ti lo.

Amato 31:15

So ndo angba kâ, lo londo awe; lo to kobe na asewa ti lo si lo fa na azo ti kua ti lo ti wali kua so ala lingbi ti sara.