Amato 20:12 - Mbeti ti Nzapa - Tënë so amu fini

¹² Mê so ayeke ma na ndo nga na le so ayeke baa na ndo, ala use kue, KOTA GBIA laa asara ala.

Amato 20:12 Referans Kwoze

Abia (Psaumes) 94:9

KOTA GBIA so aleke mê so, lo lingbi ti ma ndo pepe? Lo so lo sara le so, lo lingbi ti baa ndo pepe?

Abia (Psaumes) 119:18

Zi le ti mbi si mbi baa aye ti kpene so ayeke na ya ti ndia ti mo.

Sigingo 4:11

KOTA GBIA akiri tënë na lo, atene: “Zo wa laa asara yanga ti zo, zo wa? Zo wa laa asara si zo aga buburu, wala mê ti zo akanga, zo wa? Zo wa laa asara si zo abaa ndo, wala le ti zo akanga, zo wa? Ayeke mbi KOTA GBIA pepe?

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Amato 25:12

Wango so zo ti ndara amu na azo so azia mê ti ala kpoo ti ma tënë ayeke tongana bage ti lôro nga na ye ti go ti lôro ti nzoni ni.

Ésaïe 29:18

Na lango ni so, azo so mê ti ala akanga, fade ala yeke ma atënë so a tene na ya ti mbeti; azo so le ti ala abuba ayeke sigigi na ya ti vukongo ndo so avuko pitipiti si ala yeke baa ndo.

1 Korente 12:17

Tongana tere kue ayeke fade gi le, ka zo ayeke ma ndo na nyen? Tongana tere kue ayeke fade gi mê, ka zo ayeke ma fion ti ye na nyen?