Amato 19:28 - Mbeti ti Nzapa - Tënë so amu fini

²⁸ Mbumbuse zo so a iri lo ti fa na gbe ti ngbanga peko ti ye so lo baa, fade lo yeke he fango ngbanga ti mbirimbiri hengo. Gi sarango asioni ye laa anzere na be ti azo ti sioni.

Amato 19:28 Referans Kwoze

Mbeti ti Job 15:16

si âdu zo so ayeke sioni mingi, zo so aye tënë ti goro, zo so ayeke sara sioni hio hio tongana ngu so lo yeke nyon, fade Nzapa azia be ti lo na ndö ti lo?

Mbeti ti Job 34:7

Mbeni zo ti lingbi na Job ayeke daa? Tenengo abuba tënë na tere ti Nzapa ayeke tongana ngu ti lo ti nyongo ni.

Osée 4:8

Ala yeke te asandaga so azo ti mbi amu ndali ti siokpari ti ala wani. Nilaa nzara ti be ti awayango-sandaga kue ayeke titene azo ti mbi asara asioni ye.

Amato 15:14

Zo so ayeke gbu li ti lo ayeke gi lege ti hinga ye; me ti azo ti buba, ye ti buba laa aga kobe ti ala ti tengo ni.

Abia (Psaumes) 10:11

Lo tene na be ti lo: “Nzapa agirisa tënë ni awe; lo kanga le ti lo awe, lo baa ye laoko pepe.”

Abia (Psaumes) 10:5

Aye so kue lo yeke sara aga nzoni lakue; fango ngbanga ti mo Nzapa ayo na nduzu kâ mingi, ayeke sara ye oko na lo pepe. Lo baa awato ti lo kue tongana mbumbuse ye.

1 Agbia 21:13

Agodobe use aga aduti na dawa ti Nabot si ala to nda ti bi tënë na li ti lo na le ti azo kue, ala tene: “Nabot azonga Nzapa, lo zonga nga gbia ti kodro!” Tongaso ala mu Nabot, asigigi na lo na ya ti gbata ni, ala bo lo na têne si lo kui.

1 Agbia 21:10

Ala zia agodobe use na dawa ti Nabot titene ala bi tënë na li ti lo, atene: ‘Mo zonga Nzapa, mo zonga nga gbia ti kodro!’ Na pekoni, fade ala sigigi na lo na ya ti gbata ni, ala bo lo na têne titene lo kui!”

Amato 19:27

Molenge ti mbi, tongana mo ye ti ma wango pepe, mo do lege ti mandango ye, mo zia ma!

1 Agbia 16:27

Tanga ti atënë na ndö ti Omri, aye so lo sara nga na akota ye so lo sara, a su tënë ni na ya ti “Mbeti ti aye so agbia ti Israel asara”.

Amato 16:27

Mbumbuse zo aleke na be ti lo ti sara sioni ye; atënë ti yanga ti lo ayeke gbi zo tongana wâ.