Amato 19:27 - Mbeti ti Nzapa - Tënë so amu fini

²⁷ Molenge ti mbi, tongana mo ye ti ma wango pepe, mo do lege ti mandango ye, mo zia ma!

Amato 19:27 Referans Kwoze

Marc 4:24

Lo kiri lo tene na ala: “Ala sara hange na tënë so ala yeke ma so! Ye so ala wani ayeke mu ti haka na ye na amba ti ala laa Nzapa ayeke mu ti haka na ye na ala; lo yeke zia mbeni na ndö ni.

1 Jean 4:1

A-ita ti mbi so mbi ye ala mingi, tongana azo atene, ani yeke na Yingo ti Nzapa, ala yeda na ala kue pepe; me ayeke nzoni ala gi nda ti azo ni ti baa wala yingo so ala yeke na ni so alondo na Nzapa. Biani, *awayanga-nzapa mingi ti mvene amu ndö ti dunia kue awe.

Matthieu 7:15

“Ala sara hange na awayanga-Nzapa ti mvene! Awayanga-Nzapa ni ayeke yu poro ti tere ti taba si ayeke ga na popo ti ala. Andaa ala yeke taa asioni mbo ti ngonda.

Amato 14:7

Kpe yongoro na tere ti zo ti buba, ngbanga ti so mbeni nzoni ye titene lo fa na mo ayeke daa pepe.

2 Jean 1:10

Tongana mbeni zo asi na ala si lo fa mbeni tënë nde, ala yamba lo na da ti ala pepe, ala tene nga na lo pepe: “Nzoni gango!”

1 Timothée 4:7

Mo ke ambai ti mvene so azo ayeke tene kirikiri si alingbi na tënë ti mabe pepe so. Me mo gbu tënë ti Nzapa ngangu.

Efeze 4:14

Fade e yeke kiri ti duti tongana akete molenge pepe so *mapo ti atënë nde nde ayingi ala, so pupu ti azo ti mvene nga na fango ye ti ala na lege ti mayere ahon na ala kirikiri tongana ngo na le ti ngu.

Jean 10:5

Ala yeke mu peko ti mbeni zo nde laoko pepe. Tongana ayeke mbeni zo nde, ala yeke kpe lo, ngbanga ti so ala hinga go ti zo ni pepe.”

Matthieu 16:12

Tongaso, adisiple ahinga atene, lo yeke tene tënë na ala titene ala kpe mama ti mapa pepe, me ala kpe fango ye ti afarizien na ti asadusien.

Matthieu 16:6

Jésus atene na ala: “Ala sara hange! Le ti ala akpengba na mama ti mapa ti *afarizien na ti *asadusien!”

Aye so Nzapa afa 2:2

Mbi hinga aye so mo yeke sara, na pasi so mo yeke baa na sarango kua ti mo, na kangango be ti mo. Mbi hinga so mo lingbi pepe ti kanga be ti mo na azo ti sioni. Azo so ayeke tene, ani yeke *awatokua, andaa ala yeke awatokua biani pepe so, mo tara ala si mo baa so ala yeke azo ti mvene.

Amato 19:26

Molenge so asara ngangu na babâ ti lo si lo tumba mama ti lo, lo yeke molenge so azia kamene na le ti azo si lo bi buba na tere ti ala.

Amato 19:28

Mbumbuse zo so a iri lo ti fa na gbe ti ngbanga peko ti ye so lo baa, fade lo yeke he fango ngbanga ti mbirimbiri hengo. Gi sarango asioni ye laa anzere na be ti azo ti sioni.

Jérémie 27:9

“Ti ala, ala ma awayanga-Nzapa ti ala pepe, ala ma azo ti bango nda ti aye ti ala pepe, ala ma azo ti fango nda ti abango-li pepe, wala azo so ayeke fa nda ti ambinda wala azo so ayeke sara aye ti mazi. Azo ni kue ayeke tene na ala atene, fade ala yeke ti na gbe ti gbia ti Babilone pepe.

2 Samuel 13:5

Yonadab atene na lo: “Lango na ndö ti gbogbo ti mo, sara tongana zo so tere ti lo aso. Tongana babâ ti mo aga ti baa mo, fade mo tene na lo: ‘Zia lege na ita ti mbi ti wali Tamar aga ato na mbi kobe. Fade lo to kobe ni na le ti mbi; lo wani, lo mu kobe ni na mbi si mbi te.’ ”

2 Mbai 10:10

Amaseka so lo na ala akono legeoko so atene na lo: “Azo so atene, babâ ti mo azia nengo kungba na ndö ti go ti ala si ala hunda na mo ti zi mbage ni na ndö ti ala so, tënë so mo yeke tene na ala ayeke so: ‘Kete li ti maboko ti mbi so akono ahon ngbonda ti babâ ti mbi.