Amato 17:7 - Mbeti ti Nzapa - Tënë so amu fini

⁷ Pendere tënë alingbi na buba zo pepe; âdu ti kota zo, atënë ti mvene alingbi na lo oko pepe.

Amato 17:7 Referans Kwoze

Amato 29:12

Tongana mbeni makonzi adingi mê ti lo ti ma gi atënë ti mvene, azo ti gbe ti lo kue ayeke ga azo ti sioni.

Matthieu 7:5

Mo so tënë ti yanga ti mo ayeke nde na sarango ye ti mo so, ayeke nzoni mo zi kota keke so ayeke na le ti mo so kozoni si. Na pekoni mo baa ndo nzoni ti zi pere so ayeke na le ti ita ti mo!

Amato 26:7

*Amato so asigigi na yanga ti azo ti buba ayeke sara ye oko na zo pepe, legeoko tongana gere ti zo so abuba asara mbeni ye oko na lo pepe.

Amato 12:19

Taa-tënë ayeke ngba lakue; me tënë ti mvene ayeke ninga gi nzene-ngbonga.

Mbeti ti Job 34:12

Taa-tënë, Nzapa asara sioni laoko pepe, lo so ngangu ti lo ahon angangu kue, lo yeke fâ ngbanga kirikiri pepe.

2 Samuel 23:3

Nzapa ti Israel atene tënë, Kota Têne so azo ti Israel ayeke luti na ndö ni atene na mbi: “Gbia so ayeke bata azo ti lo mbirimbiri si lo yeke bata azo ti lo na lege ti kpengo mbeto ti Nzapa,

Abia (Psaumes) 31:18

KOTA GBIA, tongana mbi iri mo, ayeke nzoni mo zia kamene na le ti mbi pepe. Me ayeke nzoni kamene agbu le ti asioni zo so. Ayeke nzoni yanga ti ala akanga si ala gue na ndo ti akuâ.

Amato 6:17

le so abaa ndo na baba, yanga so ayeke tene mvene, maboko so ayeke tuku mene ti azo so tënë ayeke na li ti ala pepe;

Amato 12:22

Be ti KOTA GBIA ake mingi azo ti mvene; me lo ye azo so ayeke sara ye na lege ti taa-tënë.

Amato 19:10

Titene zo ti buba aduti na gba ti apendere ye, so alingbi na lo pepe; titene ngbaa ayeke sara komandema na ndö ti amakonzi, so alingbi nga kete pepe.

Amato 24:7

Ayeke ngangu na zo ti buba ti ma ya ti atënë ti ndara. Na ndo so azo ayeke leke ka atënë daa, alingbi lo zi yanga oko pepe!

Amato 26:1

Titene ngangu de asara na ngoi ti ndo-wâ, wala titene ngu apika na ngoi ti fango ale ti kobe, so ayeke na legeni pepe. Legeoko nga, gondango iri ti zo ti buba ayeke na legeni pepe.