Amato 17:6 - Mbeti ti Nzapa - Tënë so amu fini

⁶ Ye so ayeke sara nengo ti atara ayeke amolenge ti amolenge ti ala; ye so ayeke sara gonda ti amolenge ayeke ababâ na amama ti ala.

Amato 17:6 Referans Kwoze

Amato 16:31

Vuru kua ti li ayeke tongana pendere kpoto so amu nengo na zo; zo so awara ni ayeke zo so atambula na lege ti mbirimbiri.

Amato 13:22

Zo ti nzoni ayeke zia anzoni ye na peko ti kuâ ti lo na *ahale ti lo; me mosoro ti zo ti siokpari ayeke ngba ndali ti azo ti mbirimbiri.

1 Agbia 15:4

Me ndali ti David, KOTA GBIA, Nzapa ti lo amu na lo mbeni molenge-koli ti ga gbia na peko ti lo. Tongaso si sewa ti lo angba na ndö ti mbata ti gbia lakue si Jérusalem angba kota gbata ti gbia ni.

1 Agbia 11:12

Ye oko, ndali ti babâ ti mo David, fade mbi yeke sara ye ni so na ngoi so mo de na fini pepe. Me fade mbi yeke zi kodro ni na maboko ti molenge ti mo.

Tongo nda ti aye 50:23

Lo baa amolenge ti Efraim, na a-ata ti Efraim. Amolenge-koli so Makir, molenge ti Manase adu ala, Joseph amu nga ala tongana amolenge ti ya ti lo.

Tongo nda ti aye 48:11

Lo tene na Joseph: “Mbi baa ando mbi tene, mbi yeke kiri ti baa le ti mo pepe. Laso, Nzapa asara titene mbi baa mo na *ahale ti mo kue.”

Sigingo 20:12

“Alingbi mo ne babâ ti mo na mama ti mo, tongaso si gigi ti mo ayo na ndö ti sese so mbi KOTA GBIA Nzapa ti mo, mbi mu na mo.

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’