Amato 17:27 - Mbeti ti Nzapa - Tënë so amu fini

²⁷ Zo so le ti lo azi, lo yeke diko tënë mingi pepe; zo so aduti gi kpoo ayeke zo ti hingango ndo.

Amato 17:27 Referans Kwoze

Jacques 3:18

Azo so aye siriri, ala yeke sara si azo so ayeke nduru na ala aduti na siriri; sarango ye ti ala akpa lungo ale ti kobe, lengo ni so ala yeke ko ayeke sarango ye ti mbirimbiri.

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.

Amato 14:29

Zo so asara ngonzo hio hio pepe, lo hinga ndo mingi; me zo so be ti lo ayeke wâ wâ, lo yeke fa buba ti lo na le ti azo.

Amato 10:19

Zo so ayeke diko atënë gbani gbani, gbaa lo yeke sara sioni; me zo so ayeke bata yanga ti lo, lo yeke zo ti ndara.

Jacques 3:2

E kue, e yeke girisa lege fani mingi. Tongana mbeni zo agirisa lege na ya ti tenengo tënë ti lo pepe, andaa lo yeke zo ti nzoni kue, lo lingbi ti kanga tere ti lo kue.

Amato 15:28

Zo ti mbirimbiri ayeke gbu li ti lo kozoni si lo kiri tënë; me zo ti sioni ayeke de na gigi asioni tënë.

Zo ti bongbingo azo 9:17

Dutingo kpoo ti ma tënë so zo ti ndara atene, ayeke nzoni ahon mango tënë ti makonzi so lo dekongo na popo ti azo ti buba.

Amato 16:32

Zo so ayeke sara ngonzo hio hio pepe, lo yeke nzoni lo hon mbeni ngangu zo ti bira. Zo so akanga anzara ti be ti lo, lo yeke nzoni lo hon zo so amu mbeni gbata na bira.