Amato 17:24 - Mbeti ti Nzapa - Tënë so amu fini

²⁴ Le ti zo ti hingango ye angba lakue na ndö ti ye ti ndara; me zo so ahinga ndo pepe, le ti lo angba na ndö ti ye so nda ni ayeke daa pepe.

Amato 17:24 Referans Kwoze

Zo ti bongbingo azo 2:14

Zo ti ndara ayeke baa ndo so lo yeke gue daa; zo ti buba ayeke tambula na ya ti vukongo ndo. Me mbi baa so ala use kue, gi ye oko laa ayeke ku ala.

Zo ti bongbingo azo 8:1

Zo wa laa ayeke tongana zo ti ndara? Zo wa laa ahinga ti fa nda ti tënë so: “Ndara ti zo asara si ndö ti le ti lo aza zango si kangango ndö ti le ti lo ahon”?

1 Jean 2:16

Aye ti dunia ni, so ti tene asioni nzara ti be ti zo, sarango nzara ti aye so anzere na le ti zo nga na baba so azo ayeke sara ndali ti aye so ala wara, aye so kue alondo na Babâ pepe, me alondo na dunia so.

Zo ti bongbingo azo 6:9

Titene zo abaa ye gi na le, so ayeke nzoni ahon titene lo sara nzara ni. Ye so nga ayeke gi senge senge si ayeke tumbango peko ti pupu senge.

Amato 14:6

Zo ti hengo ndo ayeke gi ti wara ndara, me lo lingbi ti wara ni pepe; zo ti hingango ye ayeke manda ye hio mingi.

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Amato 23:5

Gi so le ti mo ayeke ti na ndö ti mosoro ni tongaso, lo hon ti lo awe. Biani, nginza aleke *akpangi ti lo wani so lo yeke huru na ni na le ti nduzu ti hon tongana *ngoalo.

Amato 15:14

Zo so ayeke gbu li ti lo ayeke gi lege ti hinga ye; me ti azo ti buba, ye ti buba laa aga kobe ti ala ti tengo ni.

Abia (Psaumes) 119:37

Sara si le ti mbi angba na ndö ti buba ye pepe, sara si mbi kiri mbi duti na fini ti mu lege so mo fa.

Amato 17:25

Molenge so ahinga ndo pepe ayeke zia vundu na be ti babâ ti lo; lo yeke zia mawa na be ti mama ti lo.