Amato 16:7 - Mbeti ti Nzapa - Tënë so amu fini

⁷ Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Amato 16:7 Referans Kwoze

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

1 Jean 3:22

Ye so kue e hunda na lo, e yeke wara ni, ngbanga ti so e yeke sara ye alingbi na andia ti lo si e yeke sara ye so anzere na be ti lo.

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

2 Mbai 17:10

Akodro-gbia so kue ayeke na tere ti Juda asara mbeto ti *KOTA GBIA si mbeni oko atiri bira na Yosafat pepe.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

Jérémie 15:11

Andaa *KOTA GBIA atene lani na mbi, atene: “Mbi mu zendo ti zi mo titene mo baa nzoni; mbi mu zendo ti sara si awato ti mo avoro tere ti ala na mo na ngoi ti ye ti sioni nga na ngoi ti ye ti vundu.

Tongo nda ti aye 33:4

Ezau amu loro ague, awara lo; lo gbu Jacob ngangu na kate ti lo si lo su ngbangba ti lo. Ala use kue atoto.

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

Kolose 3:20

Amolenge, ala ma yanga ti ababâ na amama ti ala na ya ti aye kue; ye so anzere na be ti Kota Gbia laa.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

Abia (Psaumes) 69:31

Fade mbi yeke he bia ti sepela na iri ti Nzapa, mbi yeke mu singila ti fa so lo yeke kota.

Tongo nda ti aye 27:41

Ezau azia Jacob na be ndali ti tufa so babâ ti lo asara na ndö ti lo so. Lo tene na be ti lo, lo tene: “Lango ti kuâ ti babâ ti mbi aga nduru awe. Tongaso mbi yeke fâ ita ti mbi Jacob.”

1 Pierre 3:13

Tongana ala mu be ti ala kue ti sara nzoni ye, zo wa laa alingbi ti sara ye ti sioni na ala, zo wa?

Sigingo 3:21

Fade mbi yeke sara titene azo ti Ezipte abaa ala na nzoni le si na guengo ti ala, azo ti Israel, ala yeke gue maboko senge pepe.

Amato 3:17

Alege so lo yeke gue na zo daa anzere mingi; sioni ye oko ayeke si na zo na alege ni so pepe.

Amato 16:8

Kete ye ti zo so lo wara na legeni, so laa ayeke nzoni ahon gba ti mosoro so zo awara na lege ti likisi.

Jérémie 39:12

“Gue mo mu lo, mo baa ndo na tere ti lo; mo sara sioni na lo pepe, me mo sara na lo ye so kue lo yeke hunda na mo.”

Jérémie 42:12

Fade mbi yeke baa mawa ti ala; lo nga lo yeke baa mawa ti ala si lo yeke zi lege na ala titene ala kiri na sese ti ala.’ ”

Daniel 1:9

Nzapa asara si makonzi ti ambaiwa ni asara nzoni be na Daniel. Lo sara na Daniel alingbi na ye so Daniel ahunda.

2 Mbai 20:30

Tongaso, kodro-gbia ti Yosafat aduti kpoo, ngbanga ti so Nzapa ti lo amu na lo siriri mbage na mbage kue.

Esdras 8:36

Na pekoni, mbeti ti ndia so gbia amu lani na ala so, ala mu ni na akota komanda ti gbia nga na agovoronere so ayeke na Do ti ngu ti Efrate. Akota zo ni so amu maboko na azo ti Israel nga na kota da ti Nzapa.