Amato 15:7 - Mbeti ti Nzapa - Tënë so amu fini

⁷ Atënë ti zo ti ndara ayeke mu lege na zo ti hinga ye; me gbungo-li ti zo ti buba ayeke mbeni ye nde!

Amato 15:7 Referans Kwoze

Matthieu 12:34

Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

Jacques 3:6

Menga ti zo ayeke tongana wâ si ayeke nga ndo so sioni aduti daa. Menga aduti na ya ti tere ti e si ayeke sara titene ngbongboro tere ti e kue aga sioni. Na ngoi so kue zo ayeke na dunia so, menga ti lo ayeke tongana wâ so ayeke buba fini ti lo; wâ ni alondo na ndo so wâ ayeke gbi daa lakue.

Efeze 4:29

Alingbi sioni tënë oko asigigi na yanga ti ala pepe. Me tongana lege ayeke daa, ala tene gi nzoni tënë so alingbi ti mu lege na amba ti ala ti kpengba si asara nzoni na azo so ayeke ma ala.

Marc 16:15

Na pekoni, lo tene na ala: “Ala gue na ndö ti dunia kue, ala fa Nzoni Tënë na azo kue.

Matthieu 10:27

Tënë so mbi yeke tene na ala na ya ti vukongo ndo, ala tene tënë ni na kota lâ; tënë so a tene gi na ya ti mê ti ala, ala dekongo na ni na ndö ti da.

B. ti abia 4:11

Mo so mo yeke ga wali ti mbi so, tongana mbi su yanga ti mo, mo baa mo tene mafuta ti wotoro ayeke daa, mafuta ti wotoro na ngu ti me ayeke na gbe ti menga ti mo. Fungo ti abongo ti mo ayeke nzoni tongana fungo ti gbako ti Liban.

Abia (Psaumes) 119:13

Mbi diko na yanga ti mbi atënë ti ngbanga so kue mo fâ.

Abia (Psaumes) 45:2

Be ti mbi asi singo na anzoni tënë ti tenengo ni; mbi yeke he nzoni bia ti mbi na gbia. Ayeke nzoni yanga ti mbi ayapu na bia ni tongana keke ti mbeti ti zo so ahinga ti su mbeti nzoni.

Abia (Psaumes) 37:30

Zo ti mbirimbiri ayeke tene atënë ti ndara; menga ti lo ayeke sigigi na tënë ti mbirimbiri.

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

Amato 15:2

Tënë ti azo ti ndara ayeke zia nzara ti mandango ye na be ti zo; me ti azo ti buba, gi abuba tënë laa ayeke sigigi na yanga ti ala.

Amato 15:6

Ya ti da ti zo ti mbirimbiri asi singo na mosoro; me aye so zo ti sioni awara aga na akpale na ndö ti lo.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 5:2

Tongaso, fade mo yeke bata atënë ti mbi so ayeke sara si le ti mo ahan si mo yeke hinga nda ti atënë so mo yeke tene.

Amato 16:23

Zo so ayeke gbu li ti lo na ndara, lo yeke gbu li ti lo kozoni si lo tene tënë; azo kue ayeke yeda na lo tongana lo tene tënë.

Zo ti bongbingo azo 10:2

Gbungo-li ti zo ti ndara ayeke gue na lo na nzoni lege; me gbungo-li ti zo ti buba ayeke gue na lo na sioni lege.