Amato 15:5 - Mbeti ti Nzapa - Tënë so amu fini

⁵ Zo ti buba abaa ye so babâ ti lo agboto mê ti lo daa tongana mbumbuse ye; me zo so aye titene a suku na lo, lo yeke zo ti hango le.

Amato 15:5 Referans Kwoze

Amato 13:18

Zo so ake titene a gboto mê ti lo, fade lo yeke ga wayere si azo ayeke baa lo tongana mbumbuse zo; me zo so aye titene a suku na lo, azo ayeke ne lo.

Amato 13:1

Molenge ti ndara ama ye so babâ ti lo agboto mê ti lo daa; me molenge ti hengo ndo ake titene a suku na lo.

Amato 19:20

Mo ma awango, mo yeda na aye so a yeke fa na mo; na ndani, fade mo yeke ga zo ti ndara.

Tite 2:15

Lege so mo lingbi ti tene tënë na azo, ti mu wango na ala, ti suku na ala laa; mo sara ni na ngangu so Nzapa amu na mo. Mo sara si mbeni zo oko abaa mo tongana buba zo pepe.

Tite 1:13

Tënë so lo tene so ayeke taa-tënë. Ndani laa, alingbi mo suku na ala ngangu si mabe ti ala aduti na legeni;

1 Mbai 28:20

Na pekoni, David atene na molenge ti lo Salomon: “Gbu ngangu, sara ye ti koli, mo sara ye! Zia mbeto asara mo pepe, zia mbeto ahon ndö ti mo pepe! Fade KOTA GBIA, Nzapa ti mbi ayeke na mo, lo yeke girisa mo pepe, lo yeke zia mo pepe, ngbii kua ti kota da ti KOTA GBIA ahunzi.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

Amato 10:1

*Amato ti Salomon. Molenge ti ndara ayeke mu ngia na babâ ti lo; me molenge ti buba ayeke zia vundu na be ti mama ti lo.

Amato 6:23

Biani, andia ayeke tongana lamba, fango ye ayeke tongana lumiere. Tongana zo agboto mê ti mo ti mu na mo wango, andaa lo ye ti zia mo na lege ti fini.

Amato 1:23

So mbi yeke gboto mê ti ala so, ala ma ni si! Tongana ala ma ni, fade mbi yeke sara si yingo ti mbi aga na ndö ti ala, mbi yeke sara si ala hinga tënë ti mbi.

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Amato 25:12

Wango so zo ti ndara amu na azo so azia mê ti ala kpoo ti ma tënë ayeke tongana bage ti lôro nga na ye ti go ti lôro ti nzoni ni.

Amato 15:4

Tënë so ayeke mu ngangu na be ti zo ayeke tongana keke so ayeke mu fini na zo; tënë ti handa asara si be ti zo afun.

Amato 15:6

Ya ti da ti zo ti mbirimbiri asi singo na mosoro; me aye so zo ti sioni awara aga na akpale na ndö ti lo.

Amato 1:7

Kpengo mbeto ti KOTA GBIA ayeke tongo nda ti hingango ye. Gi azo ti buba laa abaa ndara na anzoni wango na le ti ala tongana mbumbuse ye.