Amato 15:3 - Mbeti ti Nzapa - Tënë so amu fini

³ Le ti KOTA GBIA asi na ndo kue; lo yeke baa azo ti sioni na azo ti nzoni.

Amato 15:3 Referans Kwoze

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Jérémie 16:17

Le ti mbi abaa asarango ye ti ala kue, ahonde na le ti mbi oko pepe; sioni so ala yeke sara ayeke polele na le ti mbi.

Jérémie 23:24

Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

Amato 5:21

KOTA GBIA abaa lege ti dutingo ti azo oko oko kue. Lo baa sarango ye kue ti ala mbirimbiri.

Mbeti ti Job 31:4

Ti Nzapa, lo yeke baa sarango ye ti mbi pepe? Lo yeke diko peko ti gere ti mbi pepe?

Jérémie 32:19

Apialo ti mo ayeke kota; na lege ti ngangu ti mo, mo yeke sara si apialo ni abaa gigi. Ye so azo ayeke sara, mo yeke baa ni kpoo. Tongaso, mo yeke sara na zo oko oko alingbi na lege ti dutingo ti lo nga na lengo ti sarango ye ti lo.

Mbeti ti Job 28:24

Lo laa lo yeke baa ndo ngbii asi na nda ti sese kue, le ti lo ayeke na ndö ti aye so kue ayeke na gbe ti yayu.

Amato 15:4

Tënë so ayeke mu ngangu na be ti zo ayeke tongana keke so ayeke mu fini na zo; tënë ti handa asara si be ti zo afun.

Mbeti ti Job 24:23

Andaa Nzapa azia lege na ala ti duti kpoo; me le ti lo ayeke na ndö ti sarango ye ti ala.

Abia (Psaumes) 33:13

Kâ na yayu, KOTA GBIA abaa ndo na ndö ti sese, lo baa azo kue.