Amato 15:21 - Mbeti ti Nzapa - Tënë so amu fini

²¹ Zo so li ti lo ayeke daa pepe awara ngia na lege ti aye ti buba; me zo so ahinga ndo amu lege so ayeke mbirimbiri.

Amato 15:21 Referans Kwoze

Efeze 5:15

Ala sara hange na lege ti dutingo ti ala. Ala duti tongana abuba zo pepe, me tongana azo ti ndara.

Amato 10:23

Ti zo ti buba, sarango sioni ayeke tongana ye ti ngia ti lo; me ti zo ti hingango ndo, ndara ayeke tongana ye ti ngia ti lo.

Amato 14:16

Mbeto ti sioni ye ayeke sara zo ti ndara; lo yeke kpe lege ni. Me zo ti buba alondo ti sara ye hio hio, ngbanga ti so lo baa lo tene, mbeni ye ti sioni ti si na ni ayeke daa pepe.

Amato 14:9

Azo ti buba ayeke sara sioni ye, me tënë ni ayeke so ala oko pepe. Ti azo so sarango ye ti ala ayeke na legeni, ala yeke sara nzoni be na popo ti ala.

Amato 11:12

Zo so akasa mba ti lo, li ti lo ayeke daa pepe; me zo so ahinga ndo, lo kai ti lo kpoo.

Jacques 3:13

Mbeni zo ti ndara na ti hingango ndo ayeke na popo ti ala? Ayeke nzoni lo fa ni na lege ti nzoni dutingo ti lo nga na sarango aye ti lo so lo yeke sara na ndara, me na ngangu pepe.

Abia (Psaumes) 111:10

Kpengo mbeto ti KOTA GBIA ayeke tongo nda ti dutingo na ndara. Azo so kue akpe mbeto ti lo ayeke azo ti hingango ndo. Gonda ti lo angba kpu na kpu.

Mbeti ti Job 28:28

Na pekoni, lo tene na azo, lo tene: “Kpengo mbeto ti *Kota Gbia, baa ndara ni laa! Kpengo siokpari, baa hingango ndo laa!”

Amato 14:8

Zo ti hango le ayeke sara hange na lege ti dutingo ti lo: so zo ti ndara laa. Me zo ti buba ayeke handa azo: so zo ti buba laa.

Amato 15:22

Tongana zo ahunda wango na amba ti lo pepe, apialo ti lo ayeke li ngu; me tongana azo ti mungo wango ayeke daa mingi, apialo ni ayeke ga nzoni.

Amato 4:25

Ayeke nzoni mo baa gi ya ti le ti zo; mo baa ndo mbirimbiri gi na dawa ti mo.

Amato 4:26

Mo gbu li ti mo mbirimbiri kozo si mo mu mbeni lege; ayeke nzoni mo mu lege so mbeni sioni ye oko alingbi ti si na mo daa pepe.