Amato 15:17 - Mbeti ti Nzapa - Tënë so amu fini

¹⁷ Tengo kugbe ti kasa na ndo so yengo tere ayeke daa ayeke nzoni ahon tengo bagara ti mafuta na ndo so kengo tere ayeke daa.

Amato 15:17 Referans Kwoze

Amato 17:1

Tengo holengo nduru mapa na ndo so siriri ayeke daa ayeke nzoni ahon tengo kobe ti matanga na ya ti da so gba ti tënë asi singo daa.

Amato 21:19

Ti duti na benyama ayeke nzoni ahon ti duti na ndo oko na wali so aye ngonzo na tënë ti papa mingi.

1 Jean 4:16

Ti e, e hinga so Nzapa aye e, nilaa e zia be ti e daa. Nzapa ayeke ndoye. Zo so angba na lege ti ndoye, lo na Nzapa angba ti duti oko biani.

Filipe 2:1

Gango so ala ga oko na Christ asara si ala kpengba. Ndoye ti lo asara si be ti ala awara ngangu, ala yeke na beoko na Yingo, ala ye tere si ala yeke sara nzoni be na azo.

Matthieu 22:4

Lo kiri lo tokua ambeni zo ti kua ti tene na azo ni, atene: ‘Mbi leke aye ti matanga ni awe, mbi fâ abagara ti mafuta, mbi leke ye kue awe. Ala ga na matanga ni fadeso!’

Nzoni Tënë so Luc asu na mbeti 15:23

Ala mu bagara ti mafuta afâ lo, e te, e sara matanga,

Zo ti bongbingo azo 4:6

Me kete ye so asi ya ti maboko oko si ayeke mu wungo tere, so laa ayeke nzoni ahon gba ti ye so asi ya ti maboko use na peko ti kua so zo abaa pasi na sarango ni si ayeke tumbango peko ti pupu senge.

Amato 16:8

Kete ye ti zo so lo wara na legeni, so laa ayeke nzoni ahon gba ti mosoro so zo awara na lege ti likisi.