Amato 15:11 - Mbeti ti Nzapa - Tënë so amu fini

¹¹ Aye so asi na ndo ti akuâ, na ya ti *kota du so alinda mingi, KOTA GBIA ahinga ni kue. Ye so ayeke na ya ti be ti zo, lo lingbi ti hinga ni pepe?

Amato 15:11 Referans Kwoze

Abia (Psaumes) 44:21

Tongana e girisa lani Nzapa ti e, tongana e sambela lani mbeni nzapa nde,

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Abia (Psaumes) 139:8

Tongana mbi ma ti gue na yayu, mo laa! Tongana mbi lango na ndo ti akuâ, mo yeke kâ!

Mbeti ti Job 26:6

Ndo ti akuâ ayeke polele na le ti Nzapa; *kota du so alinda mingi so, mbeni ye ti honde ni na le ti lo ayeke daa pepe.

2 Mbai 6:30

mo so mo yeke na yayu kâ, na ndo so mo yeke duti daa, ma sambela ti ala, zi siokpari na li ti ala; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.

Jérémie 17:10

“Mbi, KOTA GBIA, mbi yeke baa be ti zo na atënë ti be ti zo kue. Tongaso, mbi lingbi ti sara ye na zo alingbi na dutingo ti lo nga na asarango ye ti lo.

Amato 27:20

Ndo ti akuâ na *kota du so alinda mingi, ya ni asi laoko pepe. Legeoko nga, nzara ti warango ye ayeke hunzi na be ti zo laoko pepe.

Abia (Psaumes) 7:9

KOTA GBIA, mo so mo yeke fâ ngbanga ti amara nde, fâ ngbanga ti mbi alingbi na mbirimbiri ti mbi; tënë ayeke na li ti mbi pepe.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Awatokua 1:24

Na pekoni, ala sambela Nzapa, atene: “Kota Gbia, mo hinga be ti azo kue. Tongaso, na popo ti azo use so, fa na e zo wa laa mo soro lo

Aye so Nzapa afa 9:11

Gbia ti agbadola ni ayeke ange ti ya ti kota du so alinda mingi. Iri ti lo na yanga ti hebro ayeke “Abadon”; iri ti lo na yanga ti greke ayeke “Apolion”, nda ti iri so atene “zo ti bubango ye”.

Amato 15:10

Zo so azia nzoni lege, fade a yeke pika lo ngangu. Zo so ake titene a gboto mê ti lo, lo yeke kui.

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.