Amato 15:10 - Mbeti ti Nzapa - Tënë so amu fini

¹⁰ Zo so azia nzoni lege, fade a yeke pika lo ngangu. Zo so ake titene a gboto mê ti lo, lo yeke kui.

Amato 15:10 Referans Kwoze

Amato 12:1

Zo so aye titene a gboto mê ti lo, lo ye ti manda ye; zo so ake titene a suku na lo, lo yeke zo ti buba.

Jean 3:20

Zo so kue ayeke sara ye ti sioni, lo ke tënë ti lumiere; lo ye ti ga na ya ti lumiere pepe, ngbanga ti so lo kpe titene asioni ye so lo yeke sara asigigi polele.

Amato 13:1

Molenge ti ndara ama ye so babâ ti lo agboto mê ti lo daa; me molenge ti hengo ndo ake titene a suku na lo.

Amato 10:17

Zo so ama wango, lo yeke mu lege ti fini; me zo so ake titene a gboto mê ti lo, lo girisa lege.

Jean 7:7

Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Amato 5:12

Fade mo yeke tene: “Azo agboto mê ti mbi, mbi ke ngbanga ti nyen? Azo asuku na mbi, mbi yeda pepe ngbanga ti nyen?

Amato 1:30

Ala ye tënë ti awango ti mbi pepe; aye so kue mbi gboto mê ti ala daa, ala baa ni tongana senge ye.

1 Agbia 22:8

Gbia ti Israel akiri tënë na Yosafat, atene: “Mbeni zo oko ayeke daa so e lingbi ti hunda KOTA GBIA na lege ti lo; zo ni ayeke Mishe, molenge ti Imla. Me be ti mbi ake lo mingi, ngbanga ti so lo yeke tene na mbi peko ti tënë ti yanga ti Nzapa nzoni laoko pepe, me lakue gi sioni tënë.” Yosafat atene: “Ayeke nzoni gbia atene tënë tongaso pepe!”

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

1 Agbia 18:17

Gi so Akab abaa Élie, lo tene na Élie: “Mo laa mo ga na kpale na ndö ti azo ti Israel so pepe?”

Amato 23:35

Fade mo yeke tene: “A pika mbi, me aso oko pepe! A pika mbi, me mbi hinga ye oko daa pepe! Mbi ye ti zingo na lango hio ti kiri ti nyon mbeni samba si!”

Amato 1:25

Awango ti mbi kue, ala ke ni; mbi gboto mê ti ala, ala yeda pepe.

Amato 15:9

Be ti KOTA GBIA ake mingi lege ti sarango ye ti azo ti sioni; me lo ye azo so ayeke gi lege ti sara ye ti mbirimbiri.

Amato 15:11

Aye so asi na ndo ti akuâ, na ya ti *kota du so alinda mingi, KOTA GBIA ahinga ni kue. Ye so ayeke na ya ti be ti zo, lo lingbi ti hinga ni pepe?

Mbeti ti Job 34:27

Lo sara ni, ngbanga ti so azo ni azia ti tambula na peko ti lo, ala ke ti hinga aye so kue lo fa na ala.

Abia (Psaumes) 50:17

Andaa mo ke atënë ti gbotongo mê ti mo so mbi gboto si mo do na gere atënë ti yanga ti mbi.

Jérémie 2:17

Ye so kue asi na mo gi ndali ti mo wani pepe? Ye ni asi ndali ti so mo zia KOTA GBIA, Nzapa ti mo na ndembe so lo yeke fa lege na mo.

Ezekiel 33:9

Me tongana mo gboto mê ti zo ti sioni titene lo zia lege ti sarango ye ti lo, me lo zia ni pepe, fade lo yeke kui ndali ti siokpari ti lo; ti mo, mo yeke soo fini ti mo.”