Amato 14:6 - Mbeti ti Nzapa - Tënë so amu fini

⁶ Zo ti hengo ndo ayeke gi ti wara ndara, me lo lingbi ti wara ni pepe; zo ti hingango ye ayeke manda ye hio mingi.

Amato 14:6 Referans Kwoze

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.

1 Korente 8:2

Tongana mbeni zo abaa atene ni hinga ye, andaa lo de ti hinga ye alingbi na taa hingango ye pepe.

Amato 8:9

Zo ti hingango ndo ayeke ma ya ti atënë ti mbi polele; na le ti azo ti hingango ye, atënë ni ayeke taa na legeni.

Jérémie 8:9

So ye ti kamene ti nyen na azo ti ndara! Li ti ala aga kirikiri awe; ala ti na ya ti gbanda ti ala wani. So ala baa tënë ti KOTA GBIA tongana buba ye na le ti ala so, ndara ti nyen laa ala yeke na ni?

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

Amato 18:2

Mango ya ti ye anzere na zo ti buba pepe; me lo ye ti fa na le ti azo kue gi atënë ti be ti lo.

Amato 17:24

Le ti zo ti hingango ye angba lakue na ndö ti ye ti ndara; me zo so ahinga ndo pepe, le ti lo angba na ndö ti ye so nda ni ayeke daa pepe.

Abia (Psaumes) 119:18

Zi le ti mbi si mbi baa aye ti kpene so ayeke na ya ti ndia ti mo.

Amato 1:5

Zo ti ndara so ayeke ma amato so, fade hingango ye ti lo ayeke kono ahon ti kozoni; zo so ahinga ndo, fade lo yeke manda anzoni kode so ayeke fa na lo nzoni lege.

Amato 14:5

Zo so ayeke na tere ti mbeni tënë si mo lingbi ti zia be ti mo na ndö ti lo, lo yeke tene mvene pepe; me zo so ayeke tene mbeni tënë nde na so lo yeke fade na tere ni, lo yeke du gi mvene.

Amato 14:7

Kpe yongoro na tere ti zo ti buba, ngbanga ti so mbeni nzoni ye titene lo fa na mo ayeke daa pepe.

Amato 24:7

Ayeke ngangu na zo ti buba ti ma ya ti atënë ti ndara. Na ndo so azo ayeke leke ka atënë daa, alingbi lo zi yanga oko pepe!

Amato 8:8

Atënë so kue mbi yeke tene ayeke mbirimbiri; tënë ti mayere wala tënë ti handa ayeke na ya ni pepe.

Amato 15:12

Zo ti hengo ndo aye titene a gboto mê ti lo pepe; lo yeke gue ti baa azo ti ndara pepe.

Amato 17:16

Nginza ayeke sara nyen na maboko ti zo ti buba? Lo ye ti vo na ndara? Ka so li ti lo ayeke daa pepe so!