Amato 14:26 - Mbeti ti Nzapa - Tënë so amu fini

²⁶ Zo so ayeke kpe mbeto ti KOTA GBIA, sioni ye oko ayeke si na lo pepe; KOTA GBIA ayeke ndo ti batango tere ti amolenge ti lo.

Amato 14:26 Referans Kwoze

Amato 19:23

Kpengo mbeto ti KOTA GBIA asara si zo aduti na fini; zo so asara ni, fini ti lo ayeke si singo na anzoni ye si sioni ye oko ayeke si na lo pepe.

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Ésaïe 33:6

Ti ala azo ti KOTA GBIA, na ya ti fini ti ala, mbeni ye ti sioni alingbi ti si na ala pepe. Dutingo na ndara na hingango Nzapa ayeke nzoni ye so ayeke soo ala; kpengo mbeto ti KOTA GBIA, so mosoro ti ala laa!

Abia (Psaumes) 112:1

Aleluya! Ti lo nzoni, zo so ayeke kpe mbeto ti KOTA GBIA si atënë ti ndia ti *KOTA GBIA anzere na lo!

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

Zo ti bongbingo azo 7:18

Ayeke nzoni mo ye mbeni wango si mo ke mbeni pepe, ngbanga ti so zo so ayeke kpe mbeto ti Nzapa awara lege ti sara aye so kue.

Tongo nda ti aye 31:42

Tongana Nzapa ti kotara ti mbi Abraham na Nzapa ti babâ ti mbi Isaac, Nzapa so asara ye ti ziango mbeto na be ti azo amu fade maboko na mbi pepe, ka mo zia mbi, mbi gue maboko senge. Me Nzapa abaa ye ti buba so mo sara na mbi nga na ngangu kua so mbi sara. Nilaa biri na bi, lo fâ ya ti tënë na popo ti mbi na mo.”

Jérémie 15:11

Andaa *KOTA GBIA atene lani na mbi, atene: “Mbi mu zendo ti zi mo titene mo baa nzoni; mbi mu zendo ti sara si awato ti mo avoro tere ti ala na mo na ngoi ti ye ti sioni nga na ngoi ti ye ti vundu.

Amato 14:27

Kpengo mbeto ti KOTA GBIA ayeke tongana li ti ngu so ayeke mu fini na zo; ayeke sara si zo akpe aye ti sioni so aye ti gbu lo tongana kuku si ayeke fâ lo.

Amato 20:7

Zo ti mbirimbiri so fini ti lo ayeke na legeni, amolenge ti lo ayeke baa nzoni na peko ti lo!