Amato 14:11 - Mbeti ti Nzapa - Tënë so amu fini

¹¹ Fade a yeke kungbi na sese da ti azo ti sioni; me azo so sarango ye ti ala ayeke na legeni, da ti ala ayeke si singo na anzoni ye.

Amato 14:11 Referans Kwoze

Amato 3:33

KOTA GBIA ayeke deba da ti azo ti sioni, me lo yeke sara tufa na ndö ti da ti azo ti mbirimbiri.

Amato 12:7

Tongana a kinda azo ti sioni na sese, ala yeke daa mbeni pepe; me sewa ti azo ti mbirimbiri ayeke ngba ti kpengba.

Zakarii 5:4

So tënë ti yanga ti *KOTA GBIA so ayeke na ndö ti dunia kue laa: mbi yeke tokua deba ni titene ali na ya ti da ti zo ti nzi, nga na ya ti da ti zo ti dengo ba ti mvene na iri ti mbi. Dengo ba ni ayeke ngba na ya ti da ti azo ni, ayeke buba ni kue, ataa akeke ti li ni, ataa atêne ni.”

Amato 21:12

Le ti zo ti mbirimbiri angba na ndö ti aye so ayeke si na da ti azo ti sioni; lo yeke pusu ala ti ti na ya ti kpale.

Mbeti ti Job 21:28

Biani, ala tene: “Zo ti sarango ngangu na azo so, da ti lo ayeke na ndo wa? Zo ti sioni so, da ti lo aga tongana nyen?”

Amato 21:20

Na da ti zo ti ndara, gba ti anzoni ye na apendere kobe ayeke daa; me zo ti buba abuba ti lo aye ni kue.

Amato 11:28

Zo so azia be ti lo na ndö ti amosoro ti lo, fade lo yeke ti; me azo ti mbirimbiri ayeke mai tongana keke so akugbe ni angba fini ni.

Mbeti ti Job 8:15

Tongana lo yeke gbu dere ti da ti lo ti luti, da ni ayingi; tongana lo yeke gbu ni ngangu, da ni atuku na sese, gburrr.

Abia (Psaumes) 128:3

Na ya ti da ti mo, wali ti mo ayeke duti tongana keke ti vinye so ayeke le mingi mingi; na tere ti meza ti mo, amolenge ti mo ayeke duti tongana akeke ti olive.

Mbeti ti Job 18:21

Ala tene: “Baa, gi ye so angba na zo ti sioni na sewa ti lo laa! Baa, ndo so azo aye lani ti hinga Nzapa pepe so laa!”

Mbeti ti Job 15:34

Biani, fade sewa ti zo ti sioni ayeke kiri ti du amolenge pepe; wâ ayeke gbi da ti azo so aye tënë ti goro.

Mbeti ti Job 8:6

tongana mo yeke mbirimbiri si mo sara ye na legeni, fade lo yeke baa ndo na ndö ti mo si lo yeke zia mo na ndo so alingbi na sarango ye ti mbirimbiri ti mo.

Amato 15:25

KOTA GBIA ayeke kungbi na sese da ti azo ti baba; me lo yeke bata sese ti wali-mua titene zo andu ni pepe.

Mbeti ti Job 8:22

Fade kamene ayeke gbu le ti awato ti mo; azo ti sioni ayeke daa mbeni pepe.

Abia (Psaumes) 37:10

Ngoi angba gi kete, zo ayeke kiri ti baa zo ti sioni pepe; mo ye ti baa ndo so lo yeke fade daa, zo oko ayeke daa mbeni pepe.