Amato 13:6 - Mbeti ti Nzapa - Tënë so amu fini

⁶ Sarango ye ti mbirimbiri ayeke bata zo so dutingo ti lo ayeke na legeni; me siokpari ayeke buba fini ti azo ti sioni.

Amato 13:6 Referans Kwoze

Amato 11:3

Sarango ye na legeni ayeke fa lege na azo ti mbirimbiri; me sarango ye ti kirikiri ayeke buba fini ti azo ti handango ndo.

Amato 21:12

Le ti zo ti mbirimbiri angba na ndö ti aye so ayeke si na da ti azo ti sioni; lo yeke pusu ala ti ti na ya ti kpale.

Abia (Psaumes) 140:11

Ayeke nzoni ale ti wâ atuku na ndö ti ala! Ayeke nzoni a bi ala na ya ti wâ, na ya ti kota du so ala lingbi ti londo daa ti sigigi pepe!

Abia (Psaumes) 26:1

Bia ti David. *KOTA GBIA, fâ ngbanga ti mbi mbirimbiri, ngbanga ti so tambula ti mbi alingbi kue si mbi zia be ti mbi na ndö ti KOTA GBIA, mbeni ye oko ti yingi mbi ayeke daa pepe.

Abia (Psaumes) 25:21

Mbi zia be ti mbi ti ku mo; mo bata mbi na lege ti taa-tënë nga na lege ti ye ti mbirimbiri.

Abia (Psaumes) 15:2

Zo so tambula ti lo alingbi kue, zo so sarango ye ti lo ayeke mbirimbiri si lo yeke tene taa-tënë alingbi na tënë so ayeke na be ti lo.

Amato 5:22

Sarango ye ti kirikiri ti zo wani laa akanga lo; siokpari ti lo agbu lo tongana kuku.

2 Mbai 28:23

Lo mu *asandaga na anzapa ti Damas so lani akinda lo so. Lo tene na be ti lo, lo tene: “So anzapa ti agbia ti Sirii ayeke mu maboko na ala so, ayeke nzoni mbi mu *sandaga na anzapa ni so si fade ala yeke mu na mbi maboko.” Me anzapa so asara si Ahaz na azo ti Israel ati.

Abia (Psaumes) 119:1

Ti ala nzoni, azo so tambula ti ala alingbi kue si sarango ye ti ala alingbi na *Ndia ti *KOTA GBIA!

Amato 10:29

Lege ti KOTA GBIA ayeke tongana ngangu gbagba na tere ti zo so sarango ye ti lo ayeke na legeni; me lege ni ayeke buba fini ti azo ti sarango sioni.

Amato 11:20

Be ti KOTA GBIA ake mingi azo so be ti ala asi singo na atënë ti mayere; me be ti lo anzere na azo so sarango ye ti ala ayeke na legeni.

1 Agbia 1:52

Salomon akiri tënë, atene: “Tongana lo sara ye ti mbirimbiri, kua ti li ti lo oko ayeke ti na sese pepe. Me tongana lo sara ye ti sioni, fade lo yeke kui!”

1 Agbia 13:34

Lege ti sarango ye so laa asara si azo ti sewa ti Yeroboam ati na ya ti siokpari. Ndali ni, a mingo azo ti sewa ni kue si mara ti ala ahunzi biani biani na ndö ti sese.