Amato 13:4 - Mbeti ti Nzapa - Tënë so amu fini

⁴ Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.

Amato 13:4 Referans Kwoze

Amato 12:24

Zo so maboko ti lo agbu kua ngangu, fade lo yeke sara komandema; me zo ti sopo ayeke ga ngbaa.

Amato 12:11

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, li ti lo ayeke daa pepe.

Amato 10:4

Zo so maboko ti lo ane na kua, lo yeke ga wayere; me zo so maboko ti lo ayapu na kua, lo yeke ga zo ti mosoro.

Amato 11:25

Zo so ayeke mu ye na azo na nzoni be, fade lo yeke wara anzoni ye gbani gbani na peko ni. Zo so amu ngu na azo ti nyon, a yeke mu nga na lo ngu ti nyon.

Amato 28:25

Zo so kota be ahon ndö ti lo, lo sara si papa alondo; me zo so azia be ti lo na ndö ti KOTA GBIA, fade lo yeke duti na aye gbani gbani.

Ahebro 6:11

Me e ye mingi titene ala oko oko kue angba na nzara ti sarango nzoni ye tongana ti kozoni; ala ngba daa ngbii asi na ndani, tongaso si fade ala yeke wara aye so ala zia be ti ala ti ku ni.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Amato 8:34

Ti lo nzoni, zo so ama mbi, zo so ayeke bata yanga ti da ti mbi lakue; lo yeke sara sanziri na tere ti yanga ti da ti mbi.

Ésaïe 58:11

KOTA GBIA ayeke ngba lakue ti fa lege na mo. Ataa na benyama, lo yeke mu na mo kobe, mo te ya ti mo asi, lo yeke kiri ti mu ngangu na mo. Mo yeke ga tongana yaka so a tuku ngu daa, mo yeke ga tongana li ti ngu so ngu ni ayeke hole pepe.

Amato 26:13

Zo ti sopo atene: “Sioni nyama ayeke na lege! Bamara aluti na be ti lege!”

Abia (Psaumes) 92:14

Lo yeke tongana keke so a lu na ya ti gbagba ti kota da ti KOTA GBIA, lo yeke kono gi na ya ti gbagba ti Nzapa ti e.

Wungo ti azo 23:10

Zo wa laa alingbi ti diko azo ti Israel, zo wa? *Ahale ti Jacob so ayeke gbani gbani so? Mbi ye ti kui tongana ti azo ti mbirimbiri, mbi ye si kuâ ti mbi aduti tongana ti ala.”

Amato 6:6

Mo zo ti sopo, gue, mo baa amini! Mo baa lege ti sarango ye ti ala kpoo, fade mo yeke ga zo ti ndara!

Amato 12:27

Zo ti sopo ayeke wara nyama ti zongo ni pepe; me zo so agbu kua ngangu, so ayeke nzoni ye mingi ndali ti lo.

Amato 13:3

Zo so ayeke bata yanga ti lo, lo yeke bata fini ti lo wani; me zo so ayeke diko atënë gbani gbani, lo yeke buba fini ti lo.

Amato 13:5

Zo ti mbirimbiri ake tënë ti mvene; me zo ti sioni ayeke bi buba na tere ti azo si lo yeke zia kamene na le ti ala.

Amato 20:4

Na ngoi ti fango yaka, zo ti sopo aye ti fâ yaka pepe; na ngoi ti fango ale ti kobe, lo yeke gue ti gi kobe, me lo yeke wara ye oko pepe.

Amato 21:5

Zo so agbu li ti lo na ndö ti ye so lo ye ti sara, fade lo yeke wara ye gbani gbani; me zo so asara ye na loro na loro, ye ayeke tia lo.

Amato 21:25

Nzara ti aye nde nde ayeke fâ zo ti sopo, ngbanga ti so lo ye ti sara kua pepe.

Tongo nda ti aye 26:32

Gi na lango ni so azo ti kua ti Isaac aga afa na lo peko ti tënë ti du ti ngu so ala zi so. Ala tene na lo: “E wara ngu awe.”

Josué 7:3

Ala kiri atene na Josué: “Ayeke nzoni mo tokua aturugu kue na Ai pepe. Aturugu nduru na saki use wala saki ota alingbi awe. Zia aturugu kue ague senge senge pepe, ngbanga ti so azo ti Ai ni ayeke mingi pepe.”

Amato 24:30

Mbeni lâ, mbi hon na tere ti yaka ti mbeni zo ti sopo; mbi hon na tere ti yaka ti *vinye ti mbeni zo so li ti lo ayeke daa pepe.

Amato 24:31

Mbi baa so, akamba ti ki na asioni pere amu le ti yaka ni kue; gbagba so a sara na tere ti yaka ni atuku kue na sese.

B. ti abia 5:3

Mbi zi nduzu-bongo ti mbi awe, mbi yeke kiri ti yu ni tongana nyen? Mbi sukula gere ti mbi awe, mbi yeke kiri ti sara na sarate tongana nyen?