Amato 13:18 - Mbeti ti Nzapa - Tënë so amu fini

¹⁸ Zo so ake titene a gboto mê ti lo, fade lo yeke ga wayere si azo ayeke baa lo tongana mbumbuse zo; me zo so aye titene a suku na lo, azo ayeke ne lo.

Amato 13:18 Referans Kwoze

Amato 15:5

Zo ti buba abaa ye so babâ ti lo agboto mê ti lo daa tongana mbumbuse ye; me zo so aye titene a suku na lo, lo yeke zo ti hango le.

Amato 12:1

Zo so aye titene a gboto mê ti lo, lo ye ti manda ye; zo so ake titene a suku na lo, lo yeke zo ti buba.

Amato 25:12

Wango so zo ti ndara amu na azo so azia mê ti ala kpoo ti ma tënë ayeke tongana bage ti lôro nga na ye ti go ti lôro ti nzoni ni.

Amato 13:13

Zo so abaa wango tongana mbumbuse ye, lo yeke buba fini ti lo wani. Me zo so asara ye alingbi na atënë ti ndia, lo yeke wara nzoni ye ti pekoni.

Amato 19:6

Azo mingi ayeke tene anzerengo tënë ti handa na akota zo; azo kue aye tënë ti zo so ayeke mu kadoo na azo.

Amato 9:9

Mu wango na zo ti ndara si fade lo ga zo ti ndara ahon ti kozoni. Fa ye na zo ti mbirimbiri si hingango ye ti lo akiri akono ahon ti kozoni.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Amato 13:19

Zo kue aye titene ye so ni sara nzara ni, ni wara ni! Ndani laa, be ti azo ti buba ake ti ala ti zia lege ti sioni ye.

Amato 13:25

Zo ti mbirimbiri ayeke te kobe, ya ti lo asi; me zo ti sioni ayeke kui nzara.

Zo ti bongbingo azo 7:5

Mango zo ti ndara so agboto mê ti mo ayeke nzoni ahon mango zo ti buba so ahe bia ti gonda na mo.

Jérémie 3:25

Ayeke nzoni e lango na sese ndali ti kamene ti e, sarango ye ti buba ti e akanga ndö ti e, ngbanga ti so e na akotara ti e, e sara ye so ayeke sioni ti ke KOTA GBIA, Nzapa ti e; e sara ni ti londo na ngoi so e de molenge ngbii asi laso. E ma yanga ti KOTA GBIA, Nzapa ti e pepe.”