Amato 13:10 - Mbeti ti Nzapa - Tënë so amu fini

¹⁰ Kuru baba ayeke sara si papa alondo; me ndara ayeke ye ti azo ti mango wango.

Amato 13:10 Referans Kwoze

Amato 19:20

Mo ma awango, mo yeda na aye so a yeke fa na mo; na ndani, fade mo yeke ga zo ti ndara.

Amato 17:14

Tongo nda ti papa ayeke tongana zingo lege na kota ngu ti buba ndo; kozo titene tiri aga ngangu, mo zia lege ni!

Jacques 4:1

Atiri na apapa so ayeke na popo ti ala so alondo na ndo wa? Alondo gi na lege ti anzara ti be ti ala so ayeke tiri lakue na ya ti tere ti ala.

1 Timothée 6:4

andaa baba ahon ndö ti lo, lo hinga ye pepe. Lo yeke na kobela ti *bingbingo tënë na ti papa ndali ti lege so azo ayeke di iri ti aye. Aye tongaso ayeke du sarango nzara ti ye ti zo, papa, zongango ndo, bango zo tongana sioni zo senge senge

Nzoni Tënë so Luc asu na mbeti 22:24

Na pekoni, papa alondo na popo ti adisiple, ngbanga ti so ala ye ti hinga zo wa na popo ti ala si ayeke kota zo ahon atanga ni.

Amato 25:8

Ye so mo baa na le ti mo, mo mu tënë ni hio ti gue na ni na gbe ti ngbanga pepe. Tongaso pepe, tongana zo so tënë ni abaa lo ague, abi kamene na le ti mo, fade mo yeke kiri ti sara nyen?

Amato 21:24

Zo ti baba so abaa azo tongana mbumbuse ye, a iri lo “zo-ti-hengo-ndo”; sarango ye na kuru baba ahon ndö ti lo.

Amato 20:18

Tongana mo hunda anzoni wango, fade apialo ti mo ayeke ga nzoni; kozo titene mo londo ti gue na bira, ayeke nzoni mo leke gere ni nzoni si.

2 Agbia 14:10

Yoas akiri atene: “Mo fâ azo ti Edom awe si mo yeke pika kate ti mo. Mo lingbi ti gonda tere ti mo senge, me ayeke nzoni mo ngba na ndo ti mo! Ngbanga ti nyen si mo ye ti to nda ti bira so ayeke ga ande kpale na ndö ti mo, titene a fâ mo si a fâ nga aturugu ti Juda so?”

1 Agbia 12:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, e kiri na ndo ti e! Ti mo *hale ti David, fadeso, mo baa ndo na ndö ti da ti mo!” Na pekoni, azo ti Israel akiri na da ti ala.

Awafango-ngbanga 19:30

Azo so kue abaa ye so, atene: “Ti londo na ndembe so azo ti Israel alondo na sese ti Ezipte asigigi ngbii asi laso, zo ade ti baa mara ti ye so laoko pepe! Ye tongaso ade ti si laoko pepe! Ayeke nzoni ala gi nda ti tënë ni, ala ma tere si ala fa ye so ala lingbi ti sara.”

Amato 13:9

Zo ti mbirimbiri ayeke tongana lumiere so aza si azo awara ngia; zo ti sioni ayeke tongana lamba so aga nduru ti mingo.

Amato 13:11

Mosoro so zo awara na loro ayeke ninga pepe; me mosoro so zo awara ni kete na kete ayeke wu.

Amato 28:25

Zo so kota be ahon ndö ti lo, lo sara si papa alondo; me zo so azia be ti lo na ndö ti KOTA GBIA, fade lo yeke duti na aye gbani gbani.