Amato 12:28 - Mbeti ti Nzapa - Tënë so amu fini

²⁸ Fini ayeke na ndo so sarango ye ti mbirimbiri ayeke daa; zo so amu lege so, lo yeke kui pepe.

Amato 12:28 Referans Kwoze

3 Jean 1:11

Ita ti mbi so mbi ye mo mingi, mo mu peko ti sioni ye pepe, me mo mu peko ti nzoni ye. Zo so asara nzoni ye, andaa lo yeke zo ti Nzapa; zo so asara sioni ye, andaa lo hinga Nzapa pepe.

Rome 5:21

Siokpari ayeke lani na ngangu na ndö ti kuâ; legeoko nga, nzoni be ti Nzapa ayeke na ngangu ti mu fini so angba lakue lakue na lege ti Jésus Christ, *Kota Gbia ti e.

Amato 11:19

Zo so aleke na be ti lo ti sara ye ti mbirimbiri, fade lo yeke ngba na fini; me zo so ayeke kpe na peko ti sarango sioni ye, lo yeke gue na le ti kuâ.

1 Jean 3:7

Amolenge ti mbi, ala zia mbeni zo ahanda ala pepe! Zo so ayeke sara ye ti mbirimbiri, lo yeke zo ti mbirimbiri, tongana ti so Jésus ayeke mbirimbiri.

1 Jean 2:29

Ala hinga atene, Christ ayeke mbirimbiri. Tongaso, alingbi ala hinga nga atene, zo so asara ye ti mbirimbiri, lo yeke molenge ti Nzapa.

Ezekiel 18:9

Lo yeke tambula alingbi na atënë ti ndia ti mbi, lo yeke sara ye alingbi na aye so mbi fa; sarango ye ti lo alingbi na lege ti taa-tënë. Lo yeke zo ti mbirimbiri; fade lo yeke duti na fini biani. So tënë ti yanga ti Kota Gbia NZAPA laa.

Amato 10:16

Futa ti zo ti mbirimbiri ayeke sara titene lo ngba na fini; me futa ti zo ti sioni ayeke gue na lo na lege ti siokpari.

Amato 8:35

Biani, zo so awara mbi, awara fini awe; be ti KOTA GBIA ayeke nzere na lo.

Ndia ti fani use ni 30:15

Moïse atene: Ala, azo ti Israel, ala baa: laso mbi zia na dawa ti ala fini na nzoni dutingo, kuâ na mawa.

Amato 9:11

Biani, ndali ti mbi Ndara, fade gigi ti mo ayeke gue, ayo si mbi yeke zia ambeni ngu na ndö ti ngu ti mo.

Ndia ti fani use ni 32:46

lo tene na ala: “Atënë so kue mbi fa na ala laso, ala mu yanga na amolenge ti ala ti zia be ti ala daa, ti sara ye alingbi na atënë kue ti *Ndia so.

Jérémie 21:8

Ti azo so angba na ya ti gbata ni, fade mo yeke tene na ala: “Tënë so KOTA GBIA atene ayeke so: Mbi zia na dawa ti ala lege ti dutingo na fini nga na lege ti kuâ.

Ndia ti fani use ni 30:19

Mbi tene na ala laso biani, yayu na sese ayeke ma mbi: mbi zia na dawa ti ala fini na kuâ, tufa na dengo ba. Alingbi ala soro fini si fade ala ngba na fini, ala na *ahale ti ala.

Amato 10:2

Amosoro so zo awara na lege ti sioni ayeke sara nzoni na lo pepe; me sarango ye ti mbirimbiri ayeke zi zo na ya ti kuâ.