Amato 12:25 - Mbeti ti Nzapa - Tënë so amu fini

²⁵ Gingo be asara si be ti zo awoko; me nzoni tënë asara si be ti lo asi singo na ngia.

Amato 12:25 Referans Kwoze

Amato 16:24

Anzerengo tënë ayeke tongana mafuta ti wotoro; anzere na yanga ti zo si ayeke sara titene zo aduti na nzoni tere.

Amato 15:13

Be ti zo so ayeke na ngia asara si le ti lo ayeke na ngia; me tongana zo ayeke na vundu, be ti lo awoko kue.

Amato 17:22

Be ti zo so ayeke na ngia asara si kobela ti lo akai; me be ti zo so ayeke na vundu asara si ngangu atia lo.

Ésaïe 50:4

Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Amato 15:23

Titene zo akiri tënë nzoni, so laa anzere. Tënë so zo atene na ndembe so alingbi, so ayeke nzoni mingi!

Zakarii 1:13

Tongaso, KOTA GBIA akiri atënë ti mungo ngangu na be nga na atënë ti dengo be na ange so ayeke tene tënë na mbi so.

Amato 12:18

Zo so ayeke diko atënë gbani gbani, atënë ni ayeke kpo zo tongana yongoro zeme; me atënë ti azo ti ndara ayeke tongana yoro ti kaingo na kobela.

Amato 27:9

Mafuta na yombo ayeke zia ngia na be ti zo; me zo so aye mo si be ti lo awoko na mo, so laa ayeke nzoni ahon wango so mo mu na mo wani.

Abia (Psaumes) 42:11

Azo ti kengo mbi ayeke zonga mbi; ala yeke hunda mbi lakue, atene: “Nzapa ti mo ni ayeke na ndo wa?” Atënë ti ala ni aye ti fâ ya ti abio ti mbi kue.

Amato 18:14

Zo so nzara ti be ti lo ayeke ti ngba na fini, fade lo yeke hon ndö ti kobela so ayeke sara lo. Me tongana be ti lo awoko, zo wa laa ayeke kiri ti mu ngangu na lo, zo wa?

Amato 25:11

Tënë so zo atene si alingbi taa na ngoi ni ayeke tongana aye ti pendere so a sara na lôro si a zia alimo so a sara na wen ti nginza daa.

Abia (Psaumes) 38:6

Aka ti mbi afun sioni, sanzo ayeke yuru daa; so kue ndali ti buba ti mbi.

Amato 15:15

Ti zo ti mawa, alango kue ayeke sioni; me zo so gigi anzere na lo, lo yeke na ya ti matanga lakue.

Amato 14:10

Vundu ti be ti zo, lo wani laa lo hinga ni; ngia ti be ti lo, mbeni zo nde alingbi ti kangbi ni na lo pepe.

Amato 12:26

Zo ti mbirimbiri ayeke fa nzoni lege na mba ti lo; me lege ti zo ti sioni asara si lo girisa lege.

Amato 15:30

Le ti zo so ayeke na ngia ayeke mu ngia na be ti zo; nzoni sango ayeke mu ngangu na zo.