Amato 12:20 - Mbeti ti Nzapa - Tënë so amu fini

²⁰ Azo so aleke na be ti ala ti sara sioni, be ti ala asi singo na tënë ti handa; me azo so ayeke mu wango ndali ti siriri, ala yeke na ngia.

Amato 12:20 Referans Kwoze

Matthieu 5:9

Ti ala nzoni, ala so asara si siriri aduti na popo ti azo, ngbanga ti so Nzapa ayeke iri ande ala atene, ala yeke amolenge ti ni!

Ahebro 12:14

Ala gi lege ngangu ti duti na siriri na azo kue, ala gi nga lege ngangu titene fini ti ala aduti nde si aduti nzoni kue. Tongaso pepe, fade zo oko alingbi ti baa *Kota Gbia pepe.

Zakarii 6:13

Biani, lo laa lo yeke kiri ti leke kota da ni. Lo yeke yu abongo ti gbia, lo yeke duti na ndö ti mbata ti gbia ti sara komandema na ndö ti azo. Mbeni wayango-sandaga ayeke duti na tere ti lo. Ala use kue ayeke ma tere na popo ti ala nzoni.

Amato 12:12

Zo ti sioni asara nzara ti ye so asioni zo awara; me azo ti mbirimbiri ayeke tongana keke so agunda ni agbu sese si ale anzoni lengo ni.

Rome 1:29

Asioni ye nde nde asi singo na be ti ala: ye so ayeke mbirimbiri pepe, sioni be, nzara ti warango ye mingi; ala yeke azo ti sioni be, kota be ahon ndö ti ala, ala yeke azo ti fango zo, azo ti papa, azo ti mvene, azo ti mbana, azo ti dungo mvene na iri ti amba ti ala,

Jérémie 17:16

KOTA GBIA, mbi laa mbi pusu mo titene mo bi kpale na sese pepe. Mbi ye pepe titene lango ti kota kpale tongaso asi, mo hinga kue. Tënë so asigigi na yanga ti mbi, ni laa ayeke na le ti mo so.

2 Mbai 22:4

Lo sara ye so ayeke sioni na le ti *KOTA GBIA tongana ti azo ti sewa ti Akab. Na peko ti kuâ ti babâ ti lo, azo ti sewa ti Akab laa aga azo ti mungo wango na lo si wango ti ala ni ague na lo na kuâ.

Amato 12:19

Taa-tënë ayeke ngba lakue; me tënë ti mvene ayeke ninga gi nzene-ngbonga.

Amato 12:21

Zo ti mbirimbiri, ye ti sioni ayeke si na lo pepe; me akpale gbani gbani ahon ndö ti azo ti sioni.

Abia (Psaumes) 119:118

Azo so kue azia lege ti ambela ti mo, mo ke ala, ngbanga ti so aye ti mayere ti ala ayeke gi mvene.

Daniel 11:27

Agbia use so ayeke wara tere na tere ti meza oko. Me ndali ti so sioni ye laa asi be ti ala, ala yeke tene gi atënë ti mvene na popo ti ala. Atënë ti ala ni ayeke sara ye oko pepe, ngbanga ti so tënë ni ayeke ko ndani gi na lango so a diko awe.