Amato 12:11 - Mbeti ti Nzapa - Tënë so amu fini

¹¹ Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, li ti lo ayeke daa pepe.

Amato 12:11 Referans Kwoze

Amato 28:19

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, yere ayeke hon ndö ti lo.

Amato 14:23

Kua kue, futa ni ayeke daa; me zo so ayeke diko gi atënë senge senge, lo yeke ga wayere.

Abia (Psaumes) 128:2

Mo wani, mo yeke te ye ti peko ti kua ti maboko ti mo. Mo yeke duti nzoni si aye ti mo kue ayeke ga nzoni.

Efeze 4:28

Zo so lani ayeke zo ti nzi, lo kiri lo nzi pepe; me ayeke nzoni lo mu tere ti lo ti sara kua na maboko ti lo wani na legeni si lo wara ye ti mu maboko na azo ti mawa.

2 Tesalonike 3:8

Kobe so e te, e hunda ni na mbeni zo pepe ti mu na e senge senge. Me bi na lâ, e sara kua ngangu, na gbiki ti li ti e si e ga kungba na ndö ti mbeni zo oko na popo ti ala pepe.

Amato 9:6

Ala zia lege ti azo so le ti ala ahan pepe so si fade ala duti na fini! Ala mu lege so ala lingbi ti wara hingango ye daa!”

Amato 14:4

Zo so ayeke na abagara ti fango na yaka pepe, ya ti gogoro ti lo angba senge; me zo ayeke wara gba ti kobe ndali ti angangu bagara.

Amato 7:7

Mbi baa ambeni zo so le ti ala ahan pepe; mbi baa na popo ti ala mbeni maseka-koli so li ti lo ayeke daa pepe.

Amato 13:20

Zo so ayeke fono na azo ti ndara, fade lo yeke ga zo ti ndara; me zo so ayeke sara kamarade na azo ti buba, lo yeke baa sioni daa.

Tongo nda ti aye 3:19

Mo yeke wara kobe ti mo gi na gbiki ti li ti mo, ngbii asi na lango so mo yeke kiri na ya ti sese, ngbanga ti so a mu mo na ya ti sese. Mo yeke fuku ti sese, mo yeke kiri ande na ya ti fuku ti sese.”

Amato 6:32

Ti zo so alango na wali ti zo, li ti lo ayeke daa pepe. Zo so asara tongaso abuba fini ti lo wani.

Amato 9:16

“Azo so le ti ala ahan pepe so, ala ga na mbage ge!” Lo tene na azo so ahinga ndo pepe so, lo tene:

Amato 9:13

Buba ayeke tongana wali so ayeke tene tënë na mbeto pepe, so li ti lo ayeke daa pepe si lo hinga ye oko pepe.

Abia (Psaumes) 26:4

Mbi duti na ndo ti azo ti handango ndo pepe; mbi fono pepe na azo so tënë ti yanga ti ala ayeke nde na sarango ye ti ala.

Awafango-ngbanga 9:4

Tongaso ala mu na Abimelek ale ti nginza balembarambara so ayeke na ya ti da ti nzapa Baal-Berit. Lo mu nginza so, lo futa na agodobe nga na azo ti kirikiri titene ala mu peko ti lo.

Jonas 2:8

So mbi ga nduru na kuâ, be ti mbi ati na ndö ti mo, KOTA GBIA. Mbi sambela mo si mo ma sambela ti mbi na ya ti kota da ti mo so ayeke nde si ayeke nzoni kue so.

Amato 27:27

Na lege ti angasa ti mo, mo yeke wara ngu ti me gbani gbani titene aga kobe ti mo, ti azo ti sewa ti mo na ti azo ti kua ti mo ti wali.

Amato 13:23

Kobe adu gbani gbani na yaka ti awayere; me ambeni akui ndali ti so sarango ye na legeni ayeke daa pepe.

Amato 20:13

Tongana mo ye ti ga wayere, mo lango na ngoi kue! Me tongana mo ye ti te kobe, ya ti mo asi, mo zi le ti mo ngaan, mo baa ndo!