Amato 11:2 - Mbeti ti Nzapa - Tënë so amu fini

² Tongana zo aga zo ti baba, aninga pepe lo ga zo ti kamene; me zo ti ndara ayeke zo so asara tere ti lo kete.

Amato 11:2 Referans Kwoze

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Amato 18:12

Kozo titene zo ati biani biani, be ti lo asi singo na baba. Kozo titene zo awara gonda, ayeke nzoni lo sara tere ti lo kete si.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”