Amato 10:8 - Mbeti ti Nzapa - Tënë so amu fini

⁸ Zo so ayeke na nzoni gbungo-li, lo yeke yeda na andia so a fa na lo; me zo so ayeke diko abuba tënë, lo yeke gi titene gigi ti lo abuba.

Amato 10:8 Referans Kwoze

Amato 12:1

Zo so aye titene a gboto mê ti lo, lo ye ti manda ye; zo so ake titene a suku na lo, lo yeke zo ti buba.

Jacques 3:13

Mbeni zo ti ndara na ti hingango ndo ayeke na popo ti ala? Ayeke nzoni lo fa ni na lege ti nzoni dutingo ti lo nga na sarango aye ti lo so lo yeke sara na ndara, me na ngangu pepe.

Amato 9:9

Mu wango na zo ti ndara si fade lo ga zo ti ndara ahon ti kozoni. Fa ye na zo ti mbirimbiri si hingango ye ti lo akiri akono ahon ti kozoni.

Amato 1:5

Zo ti ndara so ayeke ma amato so, fade hingango ye ti lo ayeke kono ahon ti kozoni; zo so ahinga ndo, fade lo yeke manda anzoni kode so ayeke fa na lo nzoni lege.

Zo ti bongbingo azo 10:12

Tënë ti yanga ti zo ti ndara anzere na be ti azo; me tënë ti yanga ti zo ti buba afâ lo.

Amato 14:23

Kua kue, futa ni ayeke daa; me zo so ayeke diko gi atënë senge senge, lo yeke ga wayere.

Amato 14:8

Zo ti hango le ayeke sara hange na lege ti dutingo ti lo: so zo ti ndara laa. Me zo ti buba ayeke handa azo: so zo ti buba laa.

Amato 13:3

Zo so ayeke bata yanga ti lo, lo yeke bata fini ti lo wani; me zo so ayeke diko atënë gbani gbani, lo yeke buba fini ti lo.

Amato 12:13

Atënë ti yanga ti zo ti sioni wani ayeke gbu lo tongana sioni kuku; me zo ti mbirimbiri ayeke sigigi ti lo yamba na ya ti ye ti ngangu.

Amato 10:10

Zo so ate le na amba ti lo, lo zia vundu na be ti azo; me zo so ayeke diko abuba tënë, lo yeke gi titene gigi ti lo abuba.

Abia (Psaumes) 119:34

Sara si mbi hinga ndo si mbi sara ye alingbi na ndia ti mo; mbi mu be ti mbi kue ti sara ye alingbi na ni.

Amato 9:8

Mo gboto mê ti zo ti hengo ndo pepe, tongaso pepe, fade lo yeke ke mo; me tongana mo gboto mê ti zo ti ndara, fade lo yeke ye mo.

Amato 10:14

Azo ti ndara abata hingango ye ti ala tongana mosoro; me atënë ti zo ti buba ayeke buba ndo hio.