Amato 10:29 - Mbeti ti Nzapa - Tënë so amu fini

²⁹ Lege ti KOTA GBIA ayeke tongana ngangu gbagba na tere ti zo so sarango ye ti lo ayeke na legeni; me lege ni ayeke buba fini ti azo ti sarango sioni.

Amato 10:29 Referans Kwoze

Amato 21:15

Sarango ye alingbi na tënë ti ndia ayeke zia ngia na be ti zo ti mbirimbiri; me ayeke zia kota mbeto na be ti zo ti sarango asioni ye.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Zakarii 10:12

Mbi yeke mu ngangu na azo ti mbi si ala yeke sara ye gi na iri ti mbi”; so tënë ti yanga ti KOTA GBIA laa.

Ésaïe 40:31

Me azo so azia be ti ala na ndö ti KOTA GBIA, ala yeke wara fini ngangu; ala yeke huru tongana *ngoalo. Ala mu loro, me ala yeke woko pepe, ala tambula, me ngangu ayeke hunzi na ala pepe.

Abia (Psaumes) 92:7

Zo ti buba ahinga ye oko daa pepe, zo so li ti lo ayeke daa pepe ahinga nda ni oko pepe.

Abia (Psaumes) 84:7

Tongana ala hon na popo-hoto ti Baka so ahole holengo, ala sara si ngu asigigi daa; akozo ngu-Nzapa asara si nzoni ye amu ndo ni kue.

Abia (Psaumes) 37:20

Fade azo ti sioni ayeke kui si awato ti KOTA GBIA ayeke ga tongana pere ti ngonda so agbi wâ. Ala yeke hon, ala yeke hon tongana guru ti wâ.

Abia (Psaumes) 36:12

Ayeke nzoni azo ti baba asi na ndo ti mbi pepe; azo ti kengo mo atumba mbi pepe!

Abia (Psaumes) 1:6

KOTA GBIA ayeke bata azo ti mbirimbiri, me lege ti azo ti sioni ayeke gue na kuâ.

Mbeti ti Job 31:3

Azo ayeke tene: “Ye ti vundu ayeke ndali ti azo ti kirikiri; ye ti ngangu ayeke ndali ti azo ti sarango sioni.”

Amato 13:6

Sarango ye ti mbirimbiri ayeke bata zo so dutingo ti lo ayeke na legeni; me siokpari ayeke buba fini ti azo ti sioni.

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Amato 11:7

So zo ti sioni akui, ye so lo zia be ti lo daa ti ku ahon; ziango be so lo zia na ndö ti mosoro ti lo ahon nga.