Amato 10:28 - Mbeti ti Nzapa - Tënë so amu fini

²⁸ Ye so azo ti mbirimbiri alingbi ti ku ayeke ngia; me ye so azo ti sioni azia be ti ala ti ku, ala yeke ku ni gbaa.

Amato 10:28 Referans Kwoze

Rome 15:13

Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.

Mbeti ti Job 8:13

Baa ye so ayeke si na azo so agirisa Nzapa laa; ye so zo ti sioni azia be ti lo ti ku ayeke hon tongaso.

Amato 11:7

So zo ti sioni akui, ye so lo zia be ti lo daa ti ku ahon; ziango be so lo zia na ndö ti mosoro ti lo ahon nga.

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ

Rome 12:12

Ala duti na ngia ngbanga ti ye so ala zia be ti ala ti ku; ala kanga be ti ala na ya ti aye ti pasi; ala zia lege ti sambela pepe.

Rome 5:2

E ma na be si na lege ti Jésus Christ, Nzapa asara nzoni be na e; e ngba na lege ti nzoni be ti lo ni fadeso. Nilaa be ti e ayeke na ngia ndali ti gonda ti Nzapa so e zia be ti e ti ku ni.

Amato 14:32

Zo ti sioni ayeke ti ndali ti sioni sarango ye ti lo; ti zo ti mbirimbiri, ataa lo gue ti kui, be ti lo awoko pepe.

Abia (Psaumes) 112:10

Zo ti sioni ayeke baa lo, be ti lo ayeke so, lo yeke te pembe ti lo si lo yeke ti. Ye so zo ti sioni asara nzara ni, fade ye ni ayeke buba kue.

Mbeti ti Job 11:20

Me azo ti sioni, le ti ala ayeke ngba gi na lege ti ku; ndo ti bata tere ti ala daa, ala yeke wara ni pepe; gi kuâ laa ala yeke zia be ti ala ti ku ni.

Abia (Psaumes) 16:9

Nilaa, be ti mbi ayeke duti na ngia, mbi yeke dodo na ngia si mbeni sioni ye ti si na mbi ayeke daa oko pepe.

Amato 11:23

Nzara ti be ti azo ti mbirimbiri ayeke gi ye oko: sarango nzoni ye. Me ti azo ti sioni, ye so ala yeke ku ayeke gi ngonzo.

Abia (Psaumes) 68:4

Me azo ti mbirimbiri ayeke sara ngia, ala yeke dodo na ngia na le ti Nzapa, ngia ti ala ni ahon ndoni.

Amato 29:6

Siokpari ti zo ti sioni ayeke gbu lo tongana kuku; me zo ti mbirimbiri ayeke na ngia si lo yeke dodo na ngia.