Amato 10:25 - Mbeti ti Nzapa - Tënë so amu fini

²⁵ Tongana ngangu pupu ahon awe, zo ti sioni ayeke daa mbeni pepe! Me zo ti mbirimbiri aluti ti lo ngangu lakue.

Amato 10:25 Referans Kwoze

Abia (Psaumes) 15:5

Tongana lo sara boon ti nginza na mbeni zo, lo yeke hunda ti wara mbeni ye na ndö ni pepe. Tongana mbeni zo aye ti pete goro na lo titene lo tene mvene na li ti zo so tënë ayeke na li ti lo pepe, lo yeke ke. Zo so asara ye tongaso, mbeni ye ti yingi lo ayeke daa pepe.

Abia (Psaumes) 58:9

Ayeke nzoni ala ga tongana ngonzâ so akui si azia dongo ti tere ti lo na sese. Ayeke nzoni ala ga tongana akete molenge so a du ala na kuâ ni si ala baa lâ pepe.

Amato 12:3

Zo ayeke luti ngangu ndali ti sioni sarango ye pepe; me azo ti mbirimbiri ayeke tongana keke so agunda ni ali sese nzoni.

2 Timothée 2:19

Me kpengbango gere ti da so Nzapa aleke so ayeke yingi ande pepe. A su mbeti so na tere ti gere ti da ni, atene: “*Kota Gbia ahinga azo ti lo.” Mbeti ni akiri atene: “Zo so atene, ni yeke zo ti Kota Gbia, ayeke nzoni lo zia lege ti sarango ye ti sioni.”

1 Timothée 6:19

Tongana ala sara tongaso, ala yeke bongbi ndali ti angoi so ayeke ga mbeni kpengba mosoro so ayeke nzoni si ala lingbi ti wara taa fini.

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Ésaïe 40:24

Ataa a iri ala na kua gi fafadeso, ataa ala gbu mbata ti kua ti ala gi fafadeso, ataa gere ti ala ade ti li sese pepe, mo ye ti baa, KOTA GBIA ahuru pupu na ndö ti ala. Tongaso, ala hole si ngangu pupu ahon na ala tongana holengo pere.

Amato 12:7

Tongana a kinda azo ti sioni na sese, ala yeke daa mbeni pepe; me sewa ti azo ti mbirimbiri ayeke ngba ti kpengba.

Amato 1:27

Biani, fade kota mbeto ayeke ga na ndö ti ala tongana kota pupu; ye ti ngangu ayeke ti na ndö ti ala tongana ngangu pupu ti ngu-Nzapa; pasi na ye ti mawa ayeke hon ndö ti ala.

Mbeti ti Job 21:18

Azo ayeke tene: “Ayeke nzoni ala ga tongana pere so pupu amu ahon na ni; tongana holengo pere so kota pupu amu ahon na ni.”

Amato 10:30

Mbeni ye ti kinda zo ti mbirimbiri ayeke duti daa pepe; me azo ti sioni ayeke ngba na ya ti kodro ni pepe.

Mbeti ti Job 17:9

Ala yeke tene: “Ayeke nzoni zo ti mbirimbiri angba gi na lege ti sarango ye ti lo; zo so maboko ti lo avuru, ayeke nzoni lo kiri lo gbu ngangu ahon ti kozoni!”

Mbeti ti Job 20:8

Lo yeke hon tongana bango-li, zo ayeke kiri ti wara lo pepe; lo girisa tongana mbeni ye so zo abaa na ya ti bango-li.

Abia (Psaumes) 58:10

Kozo titene akeke ti ki agbi na gbe ti ta ti ala, ataa akeke ni angba fini wala ahole, fade ngonzo ti Nzapa ayeke mu ala hio ti hon na ala.

Abia (Psaumes) 125:1

A yeke he bia so na ndembe ti guengo ni na Jérusalem. Azo so azia be ti ala na ndö ti *KOTA GBIA, ala yeke tongana hoto ti *Sion so ayeke yingi laoko pepe si angba kpu na kpu.