Amato 10:17 - Mbeti ti Nzapa - Tënë so amu fini

¹⁷ Zo so ama wango, lo yeke mu lege ti fini; me zo so ake titene a gboto mê ti lo, lo girisa lege.

Amato 10:17 Referans Kwoze

Amato 6:23

Biani, andia ayeke tongana lamba, fango ye ayeke tongana lumiere. Tongana zo agboto mê ti mo ti mu na mo wango, andaa lo ye ti zia mo na lege ti fini.

Nzoni Tënë so Luc asu na mbeti 11:28

Me Jésus atene na lo: “Ti ala nzoni, azo so ama tënë ti Nzapa si ala sara ye alingbi na ni!”

Amato 15:10

Zo so azia nzoni lege, fade a yeke pika lo ngangu. Zo so ake titene a gboto mê ti lo, lo yeke kui.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Amato 5:12

Fade mo yeke tene: “Azo agboto mê ti mbi, mbi ke ngbanga ti nyen? Azo asuku na mbi, mbi yeda pepe ngbanga ti nyen?

Amato 3:18

Ndara ayeke tongana keke so ayeke mu fini na azo so asara ye alingbi na ni. Lo yeke zia ngia na be ti azo so awara ni.

Zo ti bongbingo azo 5:6

Ndo so bango-li ayeke daa mingi nga na ndo so gba ti atënë ayeke daa mingi, asenge senge ye ayeke daa mingi. Ndani laa, alingbi mo kpe mbeto ti Nzapa.

Amato 12:1

Zo so aye titene a gboto mê ti lo, lo ye ti manda ye; zo so ake titene a suku na lo, lo yeke zo ti buba.

Amato 4:13

Wango so a mu na mo, mo bata ni ngangu, mo zia lege ni pepe. Mo bata ni, ngbanga ti so fini ti mo laa!

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Amato 4:4

Lani, babâ ti mbi ayeke fa na mbi aye tongaso: “Bata atënë ti mbi na be ti mo; sara ye alingbi na atënë ti yanga ti mbi si fade mo ngba na fini.

Amato 1:30

Ala ye tënë ti awango ti mbi pepe; aye so kue mbi gboto mê ti ala daa, ala baa ni tongana senge ye.

2 Mbai 25:16

So wayanga-Nzapa ni angba ti tene tënë, Amasia afâ tënë na yanga ti lo si lo tene: “Zo wa laa azia mo wamungo-wango na gbia, zo wa? Kai tënë so! Mo ye pika?” Wayanga-Nzapa ni akai, me lo tene: “Fadeso mbi hinga, mbi tene, Nzapa aleke na be ti lo titene mo kui, ngbanga ti so mo sara ye so si mo ke ti ma wango ti mbi.”

Ahebro 2:1

Ndani laa, tënë ti Nzapa so e ma, alingbi e gbu ni ngangu, tongaso si e girisa lege pepe.

Awafango-ngbanga 19:17

Koli ni ayo le ti lo na nduzu, lo baa gene so ayeke duti na ndo so azo ayeke bongbi tere ti ala daa na ya ti gbata ni. Mbakoro-koli ni ahunda lo, atene: “Mo londo na ndo wa? Mo yeke gue na ndo wa?”

Amato 5:14

Angba kete ka akpale ti ngangu ahon ndö ti mbi na ya ti bongbi ti azo ti mbi.”

Amato 15:32

Zo so ake wango abi tere ti lo na sese; me zo so aye titene a gboto mê ti lo, lo yeke ga zo ti hingango ndo.