Amato 1:6 - Mbeti ti Nzapa - Tënë so amu fini

⁶ Lo yeke ma ya ti ambeni mato so atënë ni ali, lo yeke ma gbe ti ambeni tënë so ane si lo yeke ma ya ti akpengbango tënë ti azo ti ndara.

Amato 1:6 Referans Kwoze

Abia (Psaumes) 78:2

Mbi yeke zi yanga ti mbi ti tene tënë na lege ti mbeni toli si ye so angba ando na hondengo ni, e lingbi ti manda ye na lege ni.

Marc 4:11

Lo tene na ala: “Ti ala azo ti mbi, Nzapa amu na ala lege ti hinga nda ti *Kodro-gbia ti Nzapa so angba na hondengo ni, me ti azo ti gigi, ala ma tënë ni na lege ti atoli

Ahebro 5:14

Kpengbango kobe ayeke ndali ti akangba, ngbanga ti so na lege ti sarango ye so ala yeke sara lakue, le ti ala azi awe ti hinga ye ti nzoni na ye ti sioni.

Abia (Psaumes) 49:4

Yanga ti mbi ayeke tene atënë ti ndara, be ti mbi ayeke tene atënë ti hingango ndo.

Marc 4:34

Lo fa tënë na azo na lege ti toli, me tongana lo yeke gi lo oko na adisiple ti lo, lo fa nda ti tënë ni kue na ala.

Zo ti bongbingo azo 12:11

Atënë ti azo ti ndara ayeke tongana keke so yanga ni ayo yongo ti kpongo na bagara ti sara si lo tambula. Azo so abongbi atënë ni na mbeti, ala yeke tongana pondi so a pika na ya ti keke si alinda ngangu. So matabisi ti Nzapa laa, lo oko so lo yeke bata azo tongana ataba ti lo.

Wungo ti azo 12:8

Mbi yeke tene tënë na lo le na le, na hondengo ni pepe. Mbi yeke fa tere ti mbi na lo si lo yeke baa limo ti mbi. Ngbanga ti nyen laa ala kasa Moïse, zo ti kua ti mbi so?”

2 Pierre 3:16

Na ya ti ambeti so kue lo su na ndö ti tënë so, gi oko tënë so laa lo tene. Na ya ti ambeti ni, ambeni tënë ni ayeke ngangu na zo ti ma ya ni; azo so ahinga ndo pepe si ade ti kpengba na lege ti tënë ti Nzapa pepe, ala yeke buba ya ti atënë ni, tongana ti so ala yeke sara na tanga ti atënë ti Mbeti ti Nzapa kue. Na sarango ye tongaso, ala yeke buba lege ti fini ti ala wani.

Amato 24:23

Ambeni tënë so azo ti ndara akiri atene ayeke so: Mungo mbage ti zo na le ti ngbanga ayeke nzoni pepe.

Daniel 8:23

Lango ti ala ti dutingo gbia ayeke hunzi si azo ayeke sara siokpari ngbii ahon ndoni. Na pekoni mbeni gbia ayeke londo ande so be ti lo ayeke sioni mingi; zo ti hinga lege ti handango azo tongana lo ayeke daa pepe.