Amato 1:5 - Mbeti ti Nzapa - Tënë so amu fini

⁵ Zo ti ndara so ayeke ma amato so, fade hingango ye ti lo ayeke kono ahon ti kozoni; zo so ahinga ndo, fade lo yeke manda anzoni kode so ayeke fa na lo nzoni lege.

Amato 1:5 Referans Kwoze

Amato 12:1

Zo so aye titene a gboto mê ti lo, lo ye ti manda ye; zo so ake titene a suku na lo, lo yeke zo ti buba.

Amato 9:9

Mu wango na zo ti ndara si fade lo ga zo ti ndara ahon ti kozoni. Fa ye na zo ti mbirimbiri si hingango ye ti lo akiri akono ahon ti kozoni.

1 Korente 10:15

Mbi yeke tene tënë so na ala tongana azo ti hingango ndo. Ala wani agbu li ti ala na ndö ti tënë so mbi tene so.

Mbeti ti Job 34:16

Job, tongana mo hinga ndo, ma tënë so; dingi mê ti mo, mo ma tënë so mbi yeke tene.

Mbeti ti Job 34:10

Ala azo so ahinga ndo so, ala ma mbi si! Nzapa alingbi ti sara sioni ye? Lo so ngangu ti lo ahon angangu kue so, lo lingbi ti sara sioni? Oko pepe!

Mbeti ti Job 34:34

Azo so ahinga ndo, ala na azo ti ndara so ama tënë so mbi tene, ala yeke tene:

2 Mbai 25:16

So wayanga-Nzapa ni angba ti tene tënë, Amasia afâ tënë na yanga ti lo si lo tene: “Zo wa laa azia mo wamungo-wango na gbia, zo wa? Kai tënë so! Mo ye pika?” Wayanga-Nzapa ni akai, me lo tene: “Fadeso mbi hinga, mbi tene, Nzapa aleke na be ti lo titene mo kui, ngbanga ti so mo sara ye so si mo ke ti ma wango ti mbi.”

Amato 14:6

Zo ti hengo ndo ayeke gi ti wara ndara, me lo lingbi ti wara ni pepe; zo ti hingango ye ayeke manda ye hio mingi.

Zo ti bongbingo azo 9:11

Mbi kiri mbi baa ambeni ye na ndö ti sese so. Azo so ayeke kpe loro mingi, ala yeke so benda lakue pepe; akpengba zo ayeke kinda amba ti ala na bira lakue pepe. Azo ti ndara ayeke wara kobe ti tengo ni lakue pepe; azo ti hingango ndo ayeke wara mosoro lakue pepe; azo so ahinga ye mingi laa, azo ayeke gonda ala lakue pepe. Azo so kue so, mbeni lâ ala lingbi ti duti nzoni, mbeni lâ ye ti vundu alingbi ti si na ala.

Ndia ti fani use ni 4:6

Tongana ala bata andia ni si ala sara ye alingbi na ni, amara nde so ayeke ma tënë ni, fade ala yeke baa ala, azo ti Israel, tongana azo ti ndara na azo ti hingango ndo; azo ni ayeke tene: “So ndara na hingango ndo na kota mara so!”

Mbeti ti Job 34:2

Ala azo ti ndara, ala ma tënë so mbi yeke tene; ala azo so ahinga ye ti gigi, ala dingi mê ti ala, ala ma mbi.

Amato 8:33

Ala ma awango ti mbi si ala ga azo ti ndara; ala baa ni tongana senge ye pepe.

Amato 9:8

Mo gboto mê ti zo ti hengo ndo pepe, tongaso pepe, fade lo yeke ke mo; me tongana mo gboto mê ti zo ti ndara, fade lo yeke ye mo.

Amato 18:15

Zo ti gbungo-li ayeke gi lege ti hinga ye; zo ti ndara ayeke gi lege ti ma atënë so ayeke fa ye na lo.

Amato 19:25

Mo pika zo ti hengo ndo, tongaso si zo so li ti lo ayeke daa pepe so, le ti lo ahan. Mo suku na zo ti hingango ndo, fade lo yeke hinga ye ahon ti kozo.

Amato 21:11

Tongana a pika zo ti hengo ndo, zo so le ti lo ahan pepe ayeke wara ndara. Tongana a fa ye na zo ti ndara, lo yeke kiri ti hinga ye mingi ahon ti kozoni.