Amato 1:33 - Mbeti ti Nzapa - Tënë so amu fini

³³ Me zo so ama mbi, mbeni ye ti sioni ayeke si na lo pepe, lo yeke duti kpoo, mbeto ti sioni ye ayeke sara lo oko pepe.”

Amato 1:33 Referans Kwoze

Ésaïe 26:3

Na zo so be ti lo aduti kpoo, KOTA GBIA, mo yeke mu na lo siriri, ngbanga ti so lo zia be ti lo na ndö ti mo.

Nzoni Tënë so Luc asu na mbeti 21:9

Tongana ala ma tënë ti bira na tënë ti wusuwusu, ala sara mbeto pepe! Biani, alingbi aye so asi, me so laa ayeke hunzingo ti aye kue pepe.”

Amato 14:26

Zo so ayeke kpe mbeto ti KOTA GBIA, sioni ye oko ayeke si na lo pepe; KOTA GBIA ayeke ndo ti batango tere ti amolenge ti lo.

Amato 9:11

Biani, ndali ti mbi Ndara, fade gigi ti mo ayeke gue, ayo si mbi yeke zia ambeni ngu na ndö ti ngu ti mo.

Nzoni Tënë so Luc asu na mbeti 21:19

Ala gbu ngangu si fade ala soo kuâ!”

Abia (Psaumes) 81:13

Tongaso, mbi zia ala ti ngba na kpengbango be ti ala, ala sara ye so ala leke na be ti ala ti sarango ni!

1 Pierre 1:5

Aye ni so ayeke ndali ti ala, ala so ayeke na mabe. Lo yeke bata ala na lege ti ngangu ti lo titene lo soo ala si na ngoi ti ndani, azo kue ayeke baa ni.

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Ésaïe 48:18

Yanga so mbi mu lani, tongana mo ma fade ni, ka siriri ti mo ayeke ga tongana *bale, ka mbirimbiri ti mo ayeke ga tongana *amapo ti kota ngu-ingo!

Amato 12:21

Zo ti mbirimbiri, ye ti sioni ayeke si na lo pepe; me akpale gbani gbani ahon ndö ti azo ti sioni.

Zo ti bongbingo azo 8:12

Zo ti siokpari alingbi ti sara sioni fani ngbangbo oko, ataa so kue lango ti fini ti lo angba ti gue yongoro. Me mbi hinga, mbi tene: “Azo so akpe mbeto ti Nzapa, fade ala yeke duti nzoni.

Awayango-sandaga 25:18

Ala sara ye alingbi na andia ti mbi; ala bata atënë ti ndia ti mbi, ala sara ye alingbi na ni, tongaso fade mbeni ye ti sioni ti sara ala na ya ti kodro so ayeke daa pepe.

Awayango-sandaga 25:19

Sese ti kodro ni ayeke du ale ti kobe mingi, ala yeke te kobe, ya ti ala asi, mbeni ye ti sioni ti sara ala ayeke daa pepe.

Mbeti ti Job 36:11

Tongana ala ma tënë si ala ma yanga ti Nzapa, fade gigi ti ala ayeke hunzi nzoni, ala yeke wara ngia na ya ti angu so ala yeke ngba na fini.

Ésaïe 32:17

Sarango ye ti mbirimbiri ayeke du siriri, ayeke sara si azo aduti kpoo, mbeni ye ti sioni ayeke si na ala pepe kpu na kpu.