Amato 1:32 - Mbeti ti Nzapa - Tënë so amu fini

³² Ngangu li ti azo so li ti ala ayeke daa pepe laa ayeke fâ ala; kangango le na ndö ti akpale laa ayeke fâ azo so ahinga ndo pepe.

Amato 1:32 Referans Kwoze

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Amato 8:36

Me zo so asara sioni ti ke mbi, lo wani, lo zia ka na tere ti lo; azo so kue be ti ala ake mbi, ala ye kuâ.”

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Ahebro 12:8

Tongana Nzapa apika ala pepe tongana ti so lo yeke pika amolenge ti lo kue, tongaso ala yeke taa amolenge pepe, me ala yeke amolenge so a hinga babâ ti ala pepe.

Abia (Psaumes) 69:22

Ala zia sioni yoro na ya ti kobe ti mbi; tongana nzara ti ngu asara mbi, ala mu na mbi kpingo vin ti nyon.

Jacques 5:5

Na sese so, ala duti na ya ti mosoro mingi si ala duti gi na ngia. Ala te ye, ala kono kirikiri tongana abagara so aku lango ti fango ala.

Amato 1:22

“Ala azo so le ti ala ahan pepe so, ala ye ti ngba tongaso ngbii asi lawa? Ala azo ti hengo ndo, ala yeke ngba ti he ndo ngbii asi lawa? Ala azo so ahinga ndo pepe so, ala yeke ke ti hinga ye ngbii asi lawa?

Amato 5:22

Sarango ye ti kirikiri ti zo wani laa akanga lo; siokpari ti lo agbu lo tongana kuku.

Amato 8:5

Ala azo so le ti ala ahan pepe so, ala gi lege ti hinga ye. Ala so ahinga ndo pepe so, ala manda lege ti duti na hingango ndo.

Ésaïe 66:4

Mbi nga, mbi soro ti zia ala titene ala baa pasi ndali ti mbana ti ala. Mbi yeke sara titene ye so ala yeke sara mbeto ni aga na ndö ti ala. Biani, mbi iri ndo, me zo oko ayeda pepe; mbi tene tënë, me ala ma pepe. Ala sara ye so ayeke sioni na le ti mbi, ala soro ti sara ye so anzere na be ti mbi pepe.”

Ndia ti fani use ni 28:17

Deba ayeke ga na ndö ti asakpa ti ale ti kobe ti ala nga na ndö ti ata ti kobe ti ala.

Amato 2:18

Sioni dutingo ti lo ayeke gue na lo na kuâ; alege ti sarango ye ti lo ayeke gue na lo na ndo ti akuâ.

Amato 9:18

Andaa azo ni ahinga pepe atene, akuâ ayeke kâ; azo so Buba atisa ala so, ala hinga pepe atene, ala li na ndo ti akuâ awe.

Amato 10:21

Atënë ti zo ti mbirimbiri ayeke sara nzoni na gba ti azo; me azo ti buba ayeke kui, ngbanga ti so li ti ala ayeke daa pepe.

Amato 14:16

Mbeto ti sioni ye ayeke sara zo ti ndara; lo yeke kpe lege ni. Me zo ti buba alondo ti sara ye hio hio, ngbanga ti so lo baa lo tene, mbeni ye ti sioni ti si na ni ayeke daa pepe.

Amos 6:1

Mawa na ala, azo so alango kpoo na gbata ti *Sion! Mawa na ala, azo so alango na ndö ti hoto ti Samarii si ala baa atene, mbeni sioni ye ti sarango ala ayeke daa pepe so! Azo ayeke baa ala tongana akota zo mingi na popo ti amara si azo ti Israel ayeke ga gi na mbage ti ala!