Amato 1:2 - Mbeti ti Nzapa - Tënë so amu fini

² Nda ti amato so ayeke ti fa na zo lege ti sarango ye na ndara nga na lege ti sarango ye alingbi na anzoni wango so a mu na lo. Amato ni ayeke mu lege na zo ti ma gbe ti atënë so ane mingi.

Amato 1:2 Referans Kwoze

Amato 7:4

Mo baa ndara tongana ita ti mo ti wali; mo baa hingango nda ti ye tongana mbeni sewa ti mo.

Amato 17:16

Nginza ayeke sara nyen na maboko ti zo ti buba? Lo ye ti vo na ndara? Ka so li ti lo ayeke daa pepe so!

Amato 8:5

Ala azo so le ti ala ahan pepe so, ala gi lege ti hinga ye. Ala so ahinga ndo pepe so, ala manda lege ti duti na hingango ndo.

Amato 16:16

Titene zo awara ndara, so laa ayeke nzoni ahon titene lo wara lôro ti nzoni ni. Titene zo awara hingango ndo, so laa ayeke nzoni ahon titene lo wara wen ti nginza.

Amato 4:1

Amolenge, ala ma wango ti babâ ti ala. Ala zia be ti ala kue ti hinga nda ti aye.

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Amato 2:9

Molenge ti mbi, tongana mo ma mbi, fade mo yeke hinga, mo tene, sarango ye ti mbirimbiri, sarango ye na lege ti ndia na sarango ye na legeni ayeke sara si zo abaa nzoni daa.

Amato 8:33

Ala ma awango ti mbi si ala ga azo ti ndara; ala baa ni tongana senge ye pepe.

Amato 19:20

Mo ma awango, mo yeda na aye so a yeke fa na mo; na ndani, fade mo yeke ga zo ti ndara.